好食車仔麵 立食店開枝散葉！ 薯片叔叔、林鄭、胡官都吃生炒咖喱魷魚？|上環食乜好|
廣告
行經蘇杭街，發現1家車仔麵店非常搶眼。門外1幅壁畫出自甘小文手筆，卡通曾俊華、林鄭月娥、葉劉淑儀、胡國興、長毛，5位想做特首的人物集齊1套。不說不知，原來車仔麵師傅，師承灣仔立食車仔麵店「車仔麵之家」前老闆伍先生，車仔餸、湯底都做回以往的味道，連胡官早前也來幫襯過， 好食車仔麵 有幾巴閉？即看 !
撰文：Popo 攝影：Fion
好食車仔麵 2大王牌
小店位於轉角位，門外壁畫出自本地漫畫家甘小文手筆，曾俊華、林鄭月娥、葉劉淑儀、胡國興、長毛、侵侵，連碧咸兩公婆都在排隊吃車仔麵，還有甘小文的親筆簽名，非常之搶眼。
灣仔的「車仔麵之家」長期現人龍，大部分客人都為生炒咖喱魷魚、甜酸齋2大王牌以來。上環這車仔麵專家，同樣有得吃，其中生炒咖喱魷魚，咖喱膽以14款香料大鑊剷足3小時，再用來炒魷魚，香辣惹味。
「魷魚每次炒70-80份，炒得太耐會過韌， 太快唔入味，時間控制好重要。」
另一王牌甜酸齋，香脆煙韌， 酸甜汁更以蘋果醋調製，不似坊間螢光橙色齋，這裏做的酸甜味道柔和帶天然果甜。
車仔餸有20多款選擇，每款$6-$10，魷魚、甜酸齋外，牛筋腩也燜得夠腍，魚蛋質感似傳統的陳皮魚蛋，細細粒，煙韌結實，其他餸料水準也十分平均。
新推$11混醬腸粉 懷舊支裝綠寶
除了車仔麵餸，新店因為廚房更大，加推了地道小吃混醬腸粉及特色飲品，其中支裝綠寶，更要專程由泰國訂回來，香港坊間少見。另外麥精紅豆冰，紅豆煮得腍甜，配不太甜的麥精來飲，較一般加花奶的紅豆冰少了份甜膩。
腸粉可加麻醬、豉油、甜醬吃，口感滑嘟嘟，也可以代替粉麵，加車仔餸放湯，當車仔腸粉吃。
老闆是個《星戰》迷，牆上掛了黑武士及26個白兵做裝飾。
原來胡官的選舉助手是這車仔麵店熟客，故早前胡官就專程來幫襯，還把壁畫合照上載至facebook專頁。
車仔麵專家
•地址：上環蘇杭街104號秀平商業大廈地舖（顯示地圖）
•電話：2529 3891 •營業時間：8:00am-6:30pm（逢星期日及公眾假期休息）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
