奇華旗艦店 即焗老婆餅 時光倒流5毫子1個!|灣仔食乜好|

撰文：ning 攝影：Fion

&feature=youtu.be

開放式廚房 即焗熱辣辣懷舊老餅

以往在奇華餅家，所賣的都是預先製造兼包裝好的懷舊餅食，只有少量分店設有暖櫃，將預先焗好的餅食保溫。今次 奇華旗艦店 就首度在店內設置現烤廚房，有駐場餅廚即時製作老婆餅、雞批、蝴蝶酥、叉燒酥、蛋撻和咖喱角等港式懷舊餅食。由塗蛋漿、灑芝麻、烘焗到出爐，整個過程都一目了然；出爐一刻全場香噴噴，件件新鮮熱辣辣！

必搶限量 5毫子老婆餅

當中記者最愛就是即焗的老婆餅，隻隻都金黃脹卜卜，咬開湧出燙口的冬瓜蓉，清甜帶點煙韌，酥皮鬆化薄脆，酥香十足。

而為了慶祝 奇華旗艦店 開業，今個星期一連3日（2月10日-12日），老婆餅更會以50年前的時光倒流價發售，每個只賣港幣5毫，4個1盒都只是$2，抵到笑！不過提提你，每人最多限賣4個，每日貨量752個，賣晒就冇，想食記得早點去排隊。

同場加映 上海街老鋪 Miniture

作為旗艦店，當然要向這間80年老字號作致敬。在 奇華旗艦店 的一角就有個懷舊區，牆上除了奇華金漆大字和簡短的文字歷史介紹之外，更特意邀請兩位微型藝術家製作了兩個模型，分別重現當年奇華餅家位於上海街的首間店舖，以及5、60年代上海街第2分店的場景，模型上的所有人偶、微型餅食、麵包、糖果等等，都是人手花了近4個月時間精心製作，像真度和細緻度都超高！

買埋先走 旗艦店限定別注禮盒

帶父母長輩來懷舊，吃完即烤老婆餅，最好就有手信帶走！這裏就有 奇華餅家旗艦店 限定的懷舊別注禮盒，上面畫了卡通版的舊店風貌，內裏則放有奇華的蛋卷、老薑餅、鳳梨酥、芝麻餅、合桃酥等小食，買來送禮自用都有紀念價值！

奇華餅家特色旗艦店

地址：灣仔皇后大道東188號（顯示地圖）

電話：2898 3662

營業時間：8:30am-10:30pm（星期一至六）、10:00am – 9:00pm（星期日及公眾假期）

備註：經典5毫子老婆餅只限2月10日至2月12日下午1點後發售，每日限量752個，每人最多限買4個，售完即止。