童年回憶！ 太子 老夫子 主題餐廳！大蕃薯做侍應＠蕃茄醬與卡卡醬 花生飲食遊記

童年回憶！ 老夫子 主題餐廳

餐廳內有不少老夫子、大蕃薯的人型公仔，可以讓大家拍照，門口可見多年漫畫作玻璃牆，不知跟人像拍照先定點餐先。

室內的設計不論牆身或是枱凳都是老夫子主題。

還有不少經典老夫子場面

四字成語餐牌

餐牌是老夫子的形狀，而餐牌內的食物、飲品都是用老夫子內的四字成語命名，包括耐人尋味、瓜田李下等，我點了膽大包天、出神入化及世風日下。

1. 膽大包天 – $46

餐牌屬特飲玩意，是老夫子玩意，其實係忌廉溝鮮奶，上面再加一舊綿花糖，服務員建議從玻璃杯邊將樽裝忌廉倒入鮮奶中，可以一路食綿花糖一路飲忌廉溝鮮奶；不過我就將忌廉沿綿花糖上面倒落去，綿花糖即刻溶化落入杯內，夠甜夠滑又夠凍。

2.出神入化 – $208

餐牌屬鐵板類菜式，其實是黑椒牛柳，可配飯/意粉/薯菜，我選擇了配薯菜，5成熟，用鐵板上枱，可能我又要拍照、又要拍片，眼見牛柳賣相已很不錯，不過當我淋黑椒汁落鐵板時已沒有滋滋聲了，首先切開牛柳，內裏深粉紅色，相信都做到5、6成熟，牛柳外面燒得夠焦黑之餘又夠香口，內裏肉質夠嫩，其實不用黑椒汁已很夠味，薯菜有英式薯蓉、洋蔥、茄子、蕃薯、青椒、黃椒等，薯蓉做得已經唔錯，如果再滑啲就更好，煎過後的茄子，夠油又夠淋，仲有雕花，正。

3.世風日下–$68

餐牌屬甜品類，又叫老夫子窩夫，其實是有三件長方型窩夫，頂部有一球雲呢拿雪糕，再加上幾款生果，眼見窩夫好似乾乾的，原來都算軟熟，反而窩夫上的忌廉幾香滑，另雪糕未夠香滑，不過一齊食又幾好味，士多啤梨、橙、火龍果都算新鮮。

下次會同好朋友再到訪，再一齊千方百計、耳目一新、自投羅網、不可思議………

老夫子餐館OMQ Dining Room

地址：太子彌敦道777號安寶樓1/F（顯示地圖）
電話:3702 1678
營業時間: 11am – 12am