用手大啖盡情食！水煮shake shake海鮮大餐 ~ 1kg 皇帝蟹+ 9海鮮配菜
廣告
太和有間新開的海鮮餐廳，枱面不設餐具，只提供一大張即棄餐紙、圍裙、手套和濕紙巾，是想客人撇開刀叉，用手拿起食物直接吃。頭炮主打的海鮮套餐，有智利 皇帝蟹 、加拿大雪蟹腳等，再加海鮮與配菜，水煮後放在膠袋，加入醬汁shake勻，食得！
Text：Joan｜Photo：Tommy
&feature=youtu.be
海鮮先水煮後加醬汁 用手開餐大啖食
煮法和食法是參考美國路易安那州Louisiana boil，以香葉、甘筍和西芹等把海鮮水煮，後加入醬汁和香料，倒入大膠袋內搖勻即食。海鮮套餐智利皇帝蟹、加拿大雪蟹腳、波士頓龍蝦或麵包蟹(四選一)，配6-9款指定海鮮和蔬菜，最吸引的一定是重1kg的皇帝蟹，肉厚又夠嫩，醬汁可選檸檬蒜蓉牛油、泰式酸辣汁和咖喱等。
先選海鮮套餐
再選醬汁，海鮮水煮後會倒入大膠袋內，由店員幫手搖勻。
波士頓龍蝦膏多，蟹鉗位又多位，水煮僻腥後可選醬汁，檸檬蒜蓉牛油口味相對下較淡，但牛油味超香，又有檸檬清新酸味，非常開胃。
1kg重 皇帝蟹 避風塘口味蒜香爆棚!
而記者個人非推介水煮的避風塘口味，大廚會把海鮮連乾辣椒、豆豉和炸蒜快炒五分鐘至熟透，一鍋捧出來蒜香撲鼻，惹味得來不會太辣，非常香口。
每個套餐均有一款勁量海鮮，皇帝蟹有1000g重，配埋大蝦、魷魚、青口、大蜆、墨魚仔、八爪魚仔、薯仔、萵筍和粟米。
愛惹味的可選避風塘香料快炒，蒜香微辣，份量都夠3-4人Share！
有搞鬼的圍裙和手套，食時不怕弄髒衣物。
除海鮮套餐外，亦有其他芝士焗海鮮、燒烤肉串和小食拼盤等，亦會陸續推出可以用手吃的食物，例如手撕雞、肉夾饃和墨西哥卷等。
另外有焗帶子、生蝦和大虎蝦，用了Mozzarella芝士、芝士醬和辣椒同焗，微辣香口，夠漢足一班芝士控。
飲品有各款梳打、手工啤酒和紅白酒等，想解辣的可選藍椰子梳打溝鮮奶，顏色夠搶眼，椰奶、菠蘿汁、鮮奶混入梳打水和糖水，椰香清新。
餐廳牆身以藍天大海配陽光海灘，好有度假feel。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
