天文臺道8號│精選 團年 必食餐廳 @ Dining娜

Photo: Mark

轉眼又到農曆新年，大時大節酒樓食肆好易爆滿，諗住出街食 團年 飯嘅依家係時候book定枱！講到搵食，我Dining娜有新蒲點想介紹俾大家，平時去尖咀食飯嚟嚟去去都係幾個大商場，其實行入少少嘅天文臺道8號先卧虎藏龍，係高級食肆集中營，中菜、西餐、法國菜、日式料理、火鍋、Bar & restaurant樣樣齊，大家庭坐滿一圍食餐傳統團年飯又得，飯前飯後搵個地方傾偈飲嘢，欣賞維港景致亦得。

中菜以外的 團年 選擇

年年千篇一律食中菜總會覺得悶， 團年 嘅意義都係一家人聚埋一齊，開開心心食餐飯者，如果唔係咁執著要食傳統意頭菜，天文臺道8號其實有好多食肆可以揀，有西班牙菜、有日式居酒屋、有火鍋店……點都有間啱你心水！

囍鍋蒸氣火鍋專門店

囍鍋特別之處係有全港首創嘅即蒸點心，每日鮮製嘅蝦餃燒賣用蒸氣石鍋即蒸即食，夠晒新鮮熱辣！仲有，平時肥牛都係烚吓烚吓多，估唔到蒸嚟食仲更加原汁原味，海鮮控就記得唔好錯過蒸海鮮同空運刺身。

The Drunken Pot 酒鍋

顧名思義主打酒同火鍋，酒係指自家品牌嘅Sake同清酒炸彈，鍋包括最普遍嘅「打邊爐」、蒸鍋同埋招牌酒鍋。由1月23日至2月13日，餐廳限定推出多款色香味俱全嘅新春意頭菜，私心推介撈起、酒鍋運財四寶、包羅萬有福袋同金銀滿屋。

椰林春天

呢間有2樣係必試嘅，第一椰子雞煲，第二係煲仔飯！椰子雞煲分別有原味、竹笙、野生菌及野生水魚4款口味，湯底冇落任何味精或添加劑，好有住家風味；煲仔飯可以揀2-4人份量或者6-8人份量，精髓係飯底用泰國油粘細米煮，特別香糯軟熟，淋上面嘅豉油係自家製，充份突顯到煲仔飯嘅味美。

八號居酒屋

有別於平時去開嘅日式居酒屋，呢間樓底高、空間感十足，感覺摩登時尚。八號居酒屋嘅下酒菜主打爐端燒，大廚不時會推出時令菜式，好似名古屋雞翼、和羊風炸雞、大虎蝦配海膽醬呢啲都係招牌人氣小食。

Playa de Papagayo

主打親民價西班牙Tapas，設有outdoor座位，裝修以天藍色為主，洋溢異國度假風情。食物方面偏向Fusion菜系，賣相同味道都俾到人耳目一新嘅感覺。

Maison Eight

Fine Dining與Bar的結合，一邊係酒吧Salvatore，另一邊係高級法國餐廳Esmé，除咗有Live music，露台位置仲可以飽覽維港景致，食完飯可以過隔離一邊欣賞夜景，一邊把酒談心。

團年必備意頭菜

如果屋企人比較傳統，講究菜式夠唔夠好意頭嘅，咁就帶佢哋去中菜館叫圍新春意頭菜啦，寓意將啲好運食晒落肚，有美好新一年嘛！金裝尚品同景逸軒分別都有供應新春菜式，2間各有特色，偏好傳統賀年菜可以揀前者，鍾情新派中菜就揀後者。

金裝尚品

金裝尚品係專做中式婚宴嘅場所，冇耐前先榮穫最佳婚宴場地品牌，食品質素毋庸置疑，招牌菜包括椒鹽豆腐及叉燒皇。今年金裝尚品推出咗５款新春盛宴，由基本意頭菜到鮑參翅肚都有，豐儉由人。

景逸軒

同樣係中菜食府，不過景逸軒走嘅係新派中菜路線，所以裝潢方面比較時尚典雅。除咗一系列賣相精緻、用料上乘嘅新派粵菜，餐廳亦有供應傳統廣東小炒同點心。

飯前飯後小聚

食團年飯要等齊人，早到咗可以去Starbucks坐低歎杯咖啡先。食完飯想搵個地方繼續吹水都有推介，6樓GEDA Bar & Restaurant有酒飲有小食，仲開到凌晨3點，坐耐啲都冇問題！

GEDA Bar & Restaurant（Opening Soon）

GEDA嘅小食意想不到地出色，味道同賣相都好有高級餐廳水準，的確有驚喜。老闆透露，嚟緊開張會推出嘉士伯啤酒買一送一優惠，夜晚6至9 happy hour時段更加全場酒精飲品買一送一，堅抵飲！

Starbucks Coffee

呢間唔使介紹啦，最近新推出咗黃金芝麻焦糖脆趣鮮奶咖啡、海鹽焦糖脆脆朱古力咖啡2款焦糖味咖啡，仲有一系列雞年特別版product，未齊人時可以入去坐吓歎杯咖啡，選購住限定商品先。

天文臺道8號
地址：尖沙咀天文臺道8號
備註：停車場內每個車位均設有電動車充電裝置，B2及B3樓並設有6個中速充電站。
網址：http://8observatoryroad.com/