90後老闆主理！新鮮熱辣 超足料 北京烤鴨煎餅 |天后食乜好|
廣告
上月紅磡有間新開的京式煎餅店大受歡迎，更有人指等1小時才可取餅，不想等太耐的話，現時有新的選擇！天后最近新開了1間煎餅店，同樣主打京式煎餅，更有 北京烤鴨煎餅 食！記者現在就去試試它的水準如何！
撰文：Sam | 攝影：Him
天后新店！90後由煎餅學徒變老闆
位於天后銀幕街的京式煎餅外賣店，開業將近1個月，主打京式煎餅和小食，原來店主是1位年紀輕輕的19歲年輕人。
店主Alvin於16歲時，在灣仔1間煎餅店學做煎餅，其後店舖結業。「自己鍾意食呢類煎餅，想自己開1間。」他曾到過北京試食當地煎餅，發現其口味不太適合香港人，花了兩年時間自己在家中研究不同口味的煎餅，儲錢開舖。
8款口味煎餅北京烤鴨煎餅最受歡迎
店內有8款口味煎餅，當中最多人點的就是北京烤鴨煎餅。除了北京烤鴨口味較昂貴之外（$38），其他口味大約$20至$30左右。記者來到，當然試試店中的招牌菜啦！
北京烤鴨煎餅 超足料好味道
烤鴨是由Alvin自己起肉後，再炒香，每天都要花4小時去準備。煎餅加了蛋和黑芝麻，內裏有蔥、芫荽、青瓜、烤鴨和炸雲吞皮，分量非常多，超足料！鴨肉十分香口，加上炸雲吞皮，令口感好豐富。煎餅加了蛋，蛋香味出眾，而且醬汁帶甜，不會過鹹，好食！
上海煎餅肉鬆夠多 味道甜
上海煎餅是將烤鴨換了肉鬆和菜脯，因為肉鬆分量多，所以味道更甜，喜歡吃肉鬆的話，不妨一試。
雙蛋豬柳芝士煎餅蛋味突出
變奏版的麥記豬柳蛋包，豬柳不算厚身，芝士不會蓋過蛋味，蛋味十分突出。
酥炸雞卷 薄脆皮好滋味
用腐皮包雞肉，然後再炸，薄薄的脆皮配醃製的雞肉，口感特別，加上甜醬好滋味，令你食完一粒又一粒！
街坊試食：「幾好食，會考慮幫襯。」
只得記者1個人試食實在太自私了，所以今次找來幾位街坊來試試招牌北京烤鴨煎餅。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
