市面再現假大閘蟹！？食安中心：香港並無輸入陽澄湖大閘蟹 ｜食物安全

撰文：Lu、Ning｜圖片來源：新假期資料室｜資料來源：食安中心、米芝蓮

食安中心：慎防陽澄湖假大閘蟹

說到大閘蟹，最有名的必數陽澄湖大閘蟹，肥美膏多，是不少蟹迷的至愛。不過近日食安中心指出，截至10月23日為止，香港並無輸入陽澄湖大閘蟹的紀錄，意即大家在市面上看到的「陽澄湖大閘蟹」，或有可能是假蟹！

假標籤大閘蟹 仲有「沖涼蟹」！？

陽澄湖水質潔淨，出產的蟹膏多，又不帶腥味，因此在大閘蟹中非常有名。又因其產量少，在供不應求的情況下，市場常有配上假標籤的冒牌蟹，也有「沖涼蟹」，即是商人把在別處生長的大閘蟹，拿到陽澄湖上放一兩天，就當成是陽澄湖出產的大閘蟹來賣。

售賣大閘蟹 必須申領許可證

食安中心指出，香港法例規定售賣大閘蟹必須向食環署申領售賣許可證，而當中亦限制所出售之大閘蟹，必須附有出口地當局簽發之衛生證明書。因此，如有陽澄湖出產的大閘蟹輸入香港，食環署便會有紀錄。

食安中心呼籲，如果市民看到有聲稱「陽澄湖大閘蟹」售賣，可致電1823聯絡相關部門，以便當局調查及跟進。

同場加映：3招教你揀靚大閘蟹！
1. 睇蟹眼

揀大閘蟹，第一步先要睇蟹眼。蟹商教路，可以輕按蟹眼對落的蟹蓋位置，該處是蟹的眼穴，若然按下時蟹仔眼仔郁郁、識眨眼就為之新鮮。

2. 按蟹肚

其次就是反轉蟹仔，睇蟹肚位置，乾淨潔白為佳；另外也可輕按蟹肚，質感堅硬結實代表膏多肉多，如果蟹肚軟腍，則代表蟹肉瘦削、無乜膏食。

3. 摸蟹腳

第三步就是玩腳！可以輕拉蟹腳的尖端，如果蟹仔有反應，蟹腳有回彈，就為之生猛。如果想知道大閘蟹是否貯貨太久，可以輕搖及輕按蟹腳，無鬆脫、質感實淨、有彈性，代表蟹是新鮮來貨或只貯放了1-2日；若按落沒有彈性，甚至有虛位，就代表蟹已貯放一段時間，漸變消瘦、蟹膏減退了。