大角咀咖喱街坊小店金鑽喱重開咖喱牛坑腩麵＋生炸雞髀

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

飲食

新假期飲食組

Jan 16 2019

大角咀有間主打咖喱的小店叫金鑽喱，好多街坊食佢嘅咖喱食上癮，上年租約期滿結業，最近老闆娘在同區重開，仲有無得食招牌咖喱飯？即睇老闆娘解畫！

記者：Joan 攝影：LamLam

大角咀金鑽喱回歸！人氣咖喱菜式

說到金鑽喱，大角咀的街坊無人不識！這間主打咖喱菜式的小店，自2006起在大角咀開店，在同區經歷了4次搬舖，最近又在大角咀大全街再開業。

金鑽喱之前最受歡迎的是咖喱飯，來到新店，招牌加了麵檔二字，望望餐牌，竟然只有麵，唔賣飯？原來老闆娘是澳門人，2006年開第一間店時都一心想做咖喱麵，但奈何街坊都覺得咖喱應該要配飯，誤打誤撞咖喱飯就變咗主打。今次再開店，當還個心願，主力賣澳門咖喱麵，還有生炸雞髀、墨魚鬚等小食。

咖喱撈麵＋湯麵新鮮牛坑腩

澳門咖喱不同其他咖喱，不落椰汁、椰奶或咖喱粉，味道香中帶少辣，有粗麵、幼麵、油麵、米粉、出前一丁可搭配，也可選湯麵或撈麵，湯麵的湯底用新鮮牛骨熬製4小時，味道濃郁甘香。餸料有多款牛類，每日從九龍城街市運來的新鮮牛坑腩、牛柏葉等，前者大件軟腍、後者爽脆吸滿湯汁，可以一試。不好牛的，還有鴨血、鯪魚球、陳皮魚蛋等餸料可選。