6間足料 碗仔翅比併 ! 大角咀車品品足料~春潤堂抵食 |Food Battle|
撰文：胡蚊 攝影：二簡、Man
碗仔翅比併 ！
性價比高 春潤堂
80年代開業，推車仔賣糯米飯，後被掃蕩；直至沙士後覓得舖位，東山再起，改賣魚蛋、燒賣、油渣麵、碗仔翅、生菜魚肉等等。現已交由女兒接手，幾姊妹親力親為拍住上，碗仔翅眾店最平。
•地址：深水埗大埔道14-16號華都大廈2號舖（顯示地圖）
•營業時間：星期一至六10:00am-10:00pm、星期日11:00am-8:00pm
•電話：2788 2383
味道偏甜 呂仔記
小食界中的名店，由賣椰汁、喳咋的街邊檔起家，後來在東大街租舖，改名呂仔記。主打自家製魚肉燒賣、車仔麵，金牌碗仔翅亦是亮點，湯底聞說用金華火腿、瘦肉、雞殼煲足3個鐘，日賣3大鍋。
•地址：筲箕灣東大街121號A地舖（顯示地圖）
•營業時間：2:00pm-12:00mn
•電話：2885 8590
落真魚翅 吳師府
由「吳師府」私房菜大廚吳永皓徒弟佟刃主理的小食店，將中式大菜的技巧融入街頭小食。碗仔翅用浸雞剩下的雞湯、瑤柱、金華火腿做湯頭，每日吳師傅都會親身落場監督徒弟打翅，粗菜精做。
•地址：大埔懷仁街懷安樓地下C舖（顯示地圖）
•營業時間：11:00am-8:00pm（每月有2-3日不定休）
•電話：3488 8023
濃稠適中 鴻師傅
開業約半年，是米芝蓮餐廳阿鴻小吃的young line 中菜快餐，由老闆兼大廚鴻哥主理，賣蒸飯、撈麵及少量輕食。當中超級碗仔翅是用阿鴻小吃的高湯熬成，足料足味。
•地址：觀塘成業街7號東廣場G26-31號舖（顯示地圖）
•營業時間：10:30am-9:00pm
•電話：2618 0168
鴨味出眾 十八座狗仔粉
店主是80後，無師自學，復刻本土懷舊美食。已有5間分店：旺角、深水埗、荃灣、佐敦、元朗，曾入選2016米芝蓮街頭美食推介。狗仔粉外，碗仔翅亦是招牌，寫明4隻火鴨煲足6個鐘，可另加火鴨腿。
•地址：佐敦寧波街27A地下（顯示地圖）
•營業時間：24小時
•電話：從缺
慢工細貨 車品品
性格小店，平民小食由車仔麵、紅豆沙，到貴價的鵝肝、鮑魚都有。全因老闆娘想將記憶中的本土美食保留下來，就算外面排長龍，仍堅持慢工細貨，常被食客投訴「唔休做」，亦反映對品質的堅持。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
