真係有昭和Feel！原條大大隻龍蝦手卷！戰國最強 大多喜
一走入店內, 一個日本武士鎧甲吸引SY:「嘩!幪面超人鎧武呀!」. 其實他是戰國最強「本多忠勝」, 聞說是店主的喜愛!
最近食「手卷」食上癮, SY:「我知爸爸一定叫海膽, (我:你又知?), 你次次都叫架啦」(我知你一定食鰻魚, 所以一早叫咗畀你)
「燒龍蝦火焰山手卷（$78）」, 點單後, 店員即場就在我旁聽燒制, 原條澳洲蝦肉, 滿足感爆棚.
SY:「嘩!媽媽..個龍蝦頭好大隻喎…」(其實係龍蝦尾先真), 阿太大口大口將肥嘟嘟的原條龍蝦放入口:「好香, 好鮮, 真係唔錯…啖啖肉好正」
其實, 龍蝦手卷還可以揀選配上海膽醬或龍蝦醬, 如果想層次感重一點,
當然學我配真海膽自家打成的醬汁…阿太:「真係好食到漏油」(事實龍蝦汁真的源源不絶從手卷底部滲出來)
之後來一個「海膽雙魚刺身飯（$58）」, 泥黃色的加拿大海膽, 配上三片三文魚和油甘魚, 雖然海膽不是太甜, 但亦是又滑又甘, 三重海鮮感受, 愈食愈開心.
今日非常好彩, 因為我們之後的客人, 已經無緣與油甘魚交往…師傅細雄說:「因為我哋日日空運刺身過嚟,唔知點解今日得半條油甘魚囉」(哈哈!我真幸運…而且好似今日油甘魚畀三文油更肥美)
今日還試了一樣新口味, 「煙肉荔枝」($18)…SY:「真係荔枝嚟架..好甜, 好多水…哈哈!我成口都係水」
一口咬入鹹鹹的煙肉, 內裡甜甜的荔枝就爆汁, 變成清甜更清甜, 好攪笑好好玩好好食.
因為我太愛海膽, 還是忍不住再來一份加倍海膽手卷 ($68) 細雄:「唔好以為好少海膽, 其實已經半板,因為我哋會再放一D海膽係個手卷底部, 所以, 唔會好似出面咁, 食完個面, 入面只係得飯囉」
海膽的最佳食法一定要大口大口食, 才會出現那種濕潤, 滑嫩回甘味,「就住就住」(好似頭先得1/8板的刺身飯)則完全沒有令人興奮眼的表現.
原隻牡丹蝦手卷($38) 一定是全店最抵選擇, 阿太:「好彩無叫帶子牡丹蝦卷, 我E份都有海膽, 雖然無頭先龍蝦咁鮮, 但原隻蝦配海膽都好好食」
這裡的飯並非白飯, 我最初以為混入豉油, 原來是加入赤醋, 哦!味道真的與一般魚生飯不同, 入味又帶微香…手卷也一樣配赤醋飯, 阿太:「真係無咁寡喎」
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
