夏日滋補養生│必食足料 馬卡火鍋 湯底、全年歎靚海魚 ＠Dining娜

Photo：Barry

炎炎夏日，特別容易燥底火氣盛，加上都市人壓力大，姊妹們成日都話睡眠質素差，想吃火鍋又怕燥熱，其實打邊爐都可以食得養生， 馬卡火鍋 值得考慮。近年，馬卡喺養生界好流行，幾乎無人不識，就係因為佢有助消除疲勞同改善睡眠嘅功效，早排就畀我發現不倒翁都用馬卡入饌作為湯底，同班姊妹試過都話啖湯飲落舒服順喉！呢度仲可以食到罕有海魚，海鮮迷一定要試。

秘魯 馬卡火鍋 補而不燥

馬卡以秘魯出品比較優質，不倒翁嘅馬卡湯底就嚴選秘魯馬卡，再加入多種溫和藥材，包括黨參、圓肉、杞子、芡實、果皮等熬製，味道清淡順喉，最重要係補而不燥。而馬卡有「秘魯人參」之稱，對於抗疲勞、提升睡眠質素、紓緩壓力好有效，經常易攰、易失眠、壓力大嘅都市人最啱飲。呢度嘅馬卡湯底咁足料，我哋成班女生當然喝完湯，然後至打邊爐，將滋補精華食落肚先。至於馬卡 火鍋 配料，可選擇配搭海南文昌雞或豬骨食用，肉質吸咗湯底味道，將鮮味更加提升。

點選馬卡湯底之餘，我哋一班姊妹都話養生要去到盡，點埋馬卡茶飲用。馬卡茶同樣選用秘魯馬卡沖泡，每壺放入8錢馬卡，夠晒足料！馬卡茶味道清淡甘甜，邊歎火鍋邊養生，好舒服！

巴閉！全年嘗罕有海魚

海鮮達人最怕就係海鮮選擇少，不過喺不倒翁就毋須擔心呢個問題，因為店主洪哥同多間海鮮供應商稔熟，可以攞到花英斑、紅瓜子斑等罕有海魚，隨時都可食到高質活海鮮。加上即叫即劏，上桌嘅刺身或火鍋配料都係頂級新鮮。

不倒翁中日火鍋料理

尖沙咀店：彌敦道63號iSquare國際廣場23樓（2152 1166）（顯示地圖）
佐敦店：佐敦道23-29號新寶廣場2樓（3526 0918）（顯示地圖）
銅鑼灣店：勿地臣街1號時代廣場食通天11樓1101號舖（3102 9363）（顯示地圖）
備註：設加一，收現金及信用卡。