矜貴! 日本博多「甜王」 士多啤梨軟雪糕 試食報告 |尖沙咀有咩好食|
廣告
天氣明顯比之前熱咗，食雪糕的心又蠢蠢欲動，其實坊間的雪糕亦紛紛出爐，例如Hello Pinkey今日去試的 士多啤梨軟雪糕，話係用日本博多的「甜王」士多啤梨來製造，由於今次是Crossover時裝品牌MISTO，雪糕筒專登加上彩糖，賣相特別靚，限賣1個月咋！至於好唔好食？即睇試食報告啦～
士多啤梨軟雪糕 試食報告
賣相：★★★★☆
淡淡的粉紅色，感覺高雅，雪糕餅筒邊沾上白朱古力，成個Feel好高貴。
味道：★★★★☆
很不錯，士多啤梨味酸甜濃郁，清新得來食到奶香，口感Creamy，白朱古力餅筒加添了口感。
抵買度：★★★☆☆
$43/杯，講到話用日本博多「甜王」士多啤梨，出面買一包最平都$80，呢個價錢算係咁啦～
同場加映：芒果軟雪糕
芒果味比士多啤梨Sweet一點，果味都明顯，口感都係Creamy，個人喜歡食士多啤梨味多d，但芒果控也不妨一試芒果味吖～
雪糕 X MISTO 食雪糕睇靚手袋
今次的雪糕是與MISTO呢個Fashion Brand合作，所以店內擺咗MISTO的雪糕造型手袋响度賣，$995-1,095/個，就算唔買都可以欣賞下！
大滿足！抹茶Tea Set
一個set有齊宇治抹茶芝士蛋糕、日本士多啤梨大福配白玉、十勝紅豆、蜜餞栗子，還有飲品，食完好滿足！
食Tea可以話是Keep Fit女生的大忌，但面前呢個Tea Set真係唔怕會肥，福岡溫室蜜瓜、士多啤梨和奇異果，全部都好香甜，咪睇好似份量好少，其實食晒飲埋杯飲品就飽㗎喇，最緊要係食完零罪惡感嘛！
呢個雪糕都推介呀，牛奶＋抹茶雪糕，想不到跟蜜瓜咁夾，蜜瓜令雪糕也清甜起來，好食呀！
i CREMERiA
地址：尖沙咀廣東道17號海港城海運大廈OT-G03A號舖 （顯示地圖）
電話：2897 1118
軟雪糕供應日期：即日至5月30日
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
