元朗堅料豬手車仔麵店 煲仔飯小店！車仔麵店賣限量臘味飯 普洱飯焦原塊起底｜區區搵食
text : Joe Chan photo : Man
元朗堅料豬手車仔麵店限量臘味煲仔飯
堅料豬手車仔麵店主打的是車仔麵，同時賣燉湯、 家常小菜如清蒸深水泥鯭、叉燒蝦仁炒蛋，食物款式 挺豐富。老闆堅哥曾在內地做生意，吃遍大江南 北，識飲識食愛下廚，退休後覺得悶，於是再創業:「 我哋冇特定方向，總之賣我覺得好食又整得好 食嘅嘢。」臘鴨煲仔飯是其中之一。
限量20煲 臘味煲仔飯須預訂
堅哥的臘味煲仔飯，像店中很多菜式 一樣，沒有寫入餐牌，不能walk-in吃，須提早預 訂，所以知道的人不多，是附近街坊的best kept secret。「準備功夫好多㗎，每日最多廿幾煲。」堅哥說。
看他怎樣準備煲仔飯，就知所言非虛。米是新 米溝舊米，確保有米香又煙韌，煮之前先浸30分鐘 至1小時，令米粒充分吸收水份，受熱才均勻，確保不會外軟內硬，口感更佳，米香更鮮明。
即看 香噴噴臘味煲仔飯之煉成！
打開煲蓋，臘味香與飯香湧出，香氣滿溢。四五件臘鴨，明亮 有光澤，夾一件吃，肉質煙韌不死 實，鴨油很香，再試鴨膶腸，軟腍 細膩，勁有酒香。原來臘味購自上 環一間老字號臘味店，城中多間名 店如鏞記也幫襯，唔怪得咁好食!
扒幾口飯，粒粒沾滿鴨油，明亮甘香，配自家調煲仔飯甜豉油，鹹香帶甘，飯味融合鴨香，極滋味。
吃完飯 加普洱吃飯焦
吃完臘味煲仔飯，還有精彩下半場，店員端來普洱茶，倒進 瓦煲，混合飯焦，再拿進廚房，下葱花煮兩煮，再端 出來的是一煲金黄帶脆，點點翠綠的飯焦，每啖都帶 茶香及焦香，好吃得停不了口!
臘鴨煲仔飯 Step by Step
心機車仔餸 人手挑豬腳毛
除了煲仔飯，其他菜式也有驚喜。主打的車仔麵 有廿來款配料，柚皮最值得一試，不是四處吃到。反覆洗、浸數次，再以瑤柱燜兩三小時，鹹香入味，雖有少少渣，但只賣$14，吃功夫也抵。「秋冬啲柚靚，我哋會用鮮柚皮，其他月份用廣西乾柚皮。」
吸湯能力強，入口無渣。
豬手也做得出色，可散點，亦可當車仔餸柯打，超級腍滑，零毛根，用南乳汁燜，鹹鹹香香的，很好吃。原來豬手的毛不是用火槍燒掉，而是堅嬸與幾個女工每日花兩三小時，用鉗子逐根毛拔掉。
零豬毛，件件細滑帶彈性，味道稍鹹， 配車仔麵較適合。
不試老火湯也是損失。每日不同款，湯底 早一晚用豬骨煲好，第二天再下其他配料熬，對煲湯，堅哥也講步驟，不同材料會分開時間逐樣落，濃 味、易爛的遲一點落，清淡、耐煲的早一點落，確保 順滑無渣，濃淡得宜。採訪日，賣的是山斑魚響螺燉 蘋果雪梨，呷一口，鹹鮮帶清甜，濃濃螺香。
每日還 有數款家常小菜，都是堅哥每天到街市親手揀料，甚麼好就煮甚麼，沒有特定菜式，試了清蒸深水泥 鯭，肉質軟滑，叉燒豆角蝦仁炒蛋，火候精準，沒有 炒老，蛋很滑，豆角爽脆。
火候恰好，沒有蒸老，魚肉帶果皮清香。
蝦仁新鮮，豆角夠爽，配上軟 滑炒蛋，口感很有層次。
堅料豬手車仔麵店
地址:元朗安興街安良里5號寶益樓地舖（顯示地圖）
電話:5618 7351
營業時間:星期一至日11:30am-10:30pm
延伸閱讀：【邊間最好食】TOP10 人氣煲仔飯小店 港九新界煲仔飯大比拼｜記者試食｜
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
