均香餅家太古城中心Apita開限定店！即包開心果糯米糍＋全新開心果菠蘿油

相關文章：均香餅家日賣400磅開心果角仔

均香餅家太古城中心Apita開限定店！

深水埗40多年老字號餅店「均香餅家」由店二代爆江主理後，頻頻推出創意新品，包括掀起全城熱話的開心果角仔、開心果糯米糍等。早前曾在中環街市開設期間限定店，排隊人龍超級誇張，近日「均香餅家」轉戰太古城中心日本百貨商店APITA開pop-up，一開舖已經超多人支持。是次期間限定店繼續帶來一系列人氣糯米糍（包括超人氣開心果口味、朱古力榛子、黑芝麻及花生）、全新菠蘿油系列、雞仔餅、蛋散、牛耳、花生糖。期間限定店由即日起至4月4日，附近的街坊或者港島人切勿錯過啦！

即場即包糯米糍！超人氣爆餡開心果

店員即場包製糯米糍，包括超人氣開心果（$15）、朱古力榛子（$15）、黑芝麻（$10）及花生（$8），開心果口味每款都皮薄爆餡，軟糯煙韌，沾滿開心果果仁碎，口感豐富，開心果味濃郁，果然是名物！

全新菠蘿油系列：厚厚開心果醬牛油做夾心

今次均香餅家亦有創意新品，推出全新菠蘿油系列，口味包括開心果（$25）、榛子朱古力（$25）、芋泥（$25）、花生醬（$20）、黑芝麻（$20），菠蘿包夾上厚厚的牛油，再蘸滿香滑濃郁開心果醬，口感層次加倍，邪惡十足，開心果控萬勿錯過！