哈韓族大愛韓牛+甜食@Dining娜
（Presented by 炑八韓烤）
韓國菜嚟講，Dining娜都食得好多！上至醬油蟹，下至韓式料理小菜都一概唔放過，而今次要介紹嘅又係抵食兼有質素嘅炑八韓烤喇！新餐單有齊韓牛、海鮮同韓式甜品，一於滿足晒3種口感，哈韓族必試喇～
今次我去嘅都係旺角瓊華分店，貪佢設計夠新式，而且非常貼心～每一枱嘅抽氣管都裝咗射燈，方便烤肉嘅時候，可以金睛火眼𥄫實啲肉，尤其係燒韓牛時，唔使怕燒燶喇～加上無限K-Pop放送，Dining娜嘅哈韓朋友邊睇邊食，好有氣氛呀！
2位朋友今次話要試韓牛，所以叫咗塊韓牛肉眼，脂肪比例真係啱啱好，味道同質感都同韓國本地食嘅唔大分別，配埋伴碟嘅菇類、爐邊嘅粟米芝士同泡菜雞蛋，更加惹味！而且塊韓牛份量十足，3個人食都足夠，可以試下其他嘅肉，餐牌上仲可以揀韓牛西冷，或者order個韓牛套餐，有韓牛200g、豬排骨、豬腩肉、多春魚、大蝦、炑八護心肉、年糕、海鮮豆腐湯同芝士生蠔，非常豐富。
另外仲試咗新出嘅龍蝦尾，係來自加拿大，啱啱放上枱已經覺得好新鮮，因為烤熟咗之後依然好滑好多汁，蝦肉亦都好鮮甜，朋友平時少食海鮮都忍唔住食咗成食條！值得推介～
食韓牛同龍蝦尾嘅同時亦點咗梳打飲品，荔枝梳打、青蘋果梳打同魔法梳打，荔枝味比較適合愛甜嘅朋友、青蘋果梳打就較淡，配烤肉食一流！而最令我驚喜嘅係魔法梳打，上枱時係藍色嘅梳打，倒入檸檬汁後會變成紅色，好似變魔法咁！味道方面係淡淡檸檬味，非常開胃。
最後Dining娜叫咗Injeolmi年糕，係韓國嘅大熱甜品，用熱辣辣嘅石鍋奉上，加埋黃豆粉、果仁同蜜糖！然後將雪糕一齊放埋入去食，又熱又凍嘅感覺非常特別，而且年糕非常煙韌，唔算太甜，唔經唔覺就會食晒～非常圓滿地結束今次哈韓餐！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
