咖啡店全港Top13推介！紋身室Cafe二合一＋AI智能沖咖啡｜區區搵食

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Sep 9 2021

【咖啡店全港Top13推介】近幾年咖啡店開到通街通巷，梗有一間喺附近！尤其喺有「New Brooklyn」之稱嘅深水埗更幾乎每個星期都有新店，選擇多固然喺好，但要搵到一間別具風格嘅cafe都唔喺咁容易。記者平時最鍾意周圍搵cafe打卡影相，今次精挑細選，集合咗全港13間最有特色嘅咖啡店，帶大家一齊享受文青生活，chill住影靚相！

*因疫情關係，營業時間或有所變動，詳情請致電餐廳查詢。

特色咖啡店全港Top13推介！

按連結跳至

港島區
新界區
九龍區

–

港島區

1) 灣仔Trois Cafe 珊瑚色夢幻牆身以公共屋邨做主題

中環人氣咖啡店Trois Cafe喺灣仔開左新分店，同其他分店一樣用香港特色做主題。外牆以珊瑚色作為主調，非常夢幻，加埋圓形透光落地窗，日頭打卡真喺一流！今次新店室內空間採用「公共屋邨」為題設計，十二人大檯位置襯埋地上圖案，營造出公屋運動場同康樂空間嘅感覺。食物方面以Fushion菜式做主打，選擇夠晒多，最啱鐘意試新野嘅朋友！

咖啡店圓形透光落地窗配以珊瑚粉紅色牆身，呢個位喺嚟到必影嘅打卡熱點。 — 圓形透光落地窗配以珊瑚粉紅色牆身，呢個位喺嚟到必影嘅打卡熱點。（圖片來源：[email protected]）

咖啡店室內大膽運用色調對比，感覺好似置身於一間藝術館。 — 室內運用大膽色調對比，感覺好似置身於一間藝術館。（圖片來源：IG@@cy.cafelov）

咖啡店新店以公共屋邨作為設計靈感，二人座位靠牆位用上公屋小方磚設計，玩味十足。 — 新店以公共屋邨作為設計靈感，二人座位靠牆位用上公屋小方磚設計，玩味十足。（圖片來源：IG＠@cy.cafelov）

咖啡店台意炸雞炸包一人前套餐 8，炸包用炸饅頭代替麵包，味道甜甜地，配合炸雞香口脆卜卜，鹹鹹甜甜都幾新奇。 — 台意炸雞炸包一人前套餐 $118，炸包用炸饅頭代替麵包，味道甜甜地，配合炸雞香口脆卜卜，鹹鹹甜甜都幾新奇。（圖片來源：IG@handsupforfood）

咖啡店流心黑芝麻卷蛋左），質感鬆軟可口。 — 流心黑芝麻卷蛋 $45（左），質感鬆軟可口。（圖片來源：IG@@cy.cafelov）

餐廳：Trois Cafe
地點︰灣仔告士打道181-185號中怡商業大廈地下2-3號舖（顯示地圖）
電話：6579 9639
營業時間︰星期一至日11:00 – 19:00
Facebook專頁：Trois Cafe
Instagram專頁：@trois_cafe

2) 銅鑼灣Missing Link 私隱度十足雙人圓形卡座

銅鑼灣Missing Link幾個月前先正式營業，但已經人氣滿滿，cafe主色調以米白色為主，全店最吸睛喺店內私隱度十足嘅雙人圓形卡座，影相一流！除咗有咖啡和自家製甜品，另外仲有幾款輕食選擇。其中抹茶卷蛋、明太子意粉都喺網民大推，外表非常吸引，記者見到都忍唔住流晒口水！

咖啡店圓碌碌卡位非常受女生歡迎，啱晒兩個閨密靜靜地坐低傾吓計。 — 圓碌碌卡位非常受女生歡迎，啱晒兩個閨密靜靜地坐低傾吓計。（圖片來源：IG@linggholic）

咖啡店彈弓吧櫈，外型相當趣緻。 — 內外都有彈弓吧櫈，外型相當趣緻。（圖片來源：IG@hkhungryfoodie）

咖啡店人氣抹茶卷蛋，入面仲有粒士多啤梨，層次豐富。 — 人氣抹茶卷蛋 $65，入面仲有粒士多啤梨，層次豐富。（圖片來源：IG@hkhungryfoodie）

咖啡店牛油果炒蛋吐司。 — 牛油果炒蛋吐司 $78。（圖片來源：IG@hkhungryfoodie）

餐廳：Missing Link
地點︰銅鑼灣耀華街10號地舖（顯示地圖）
電話：從缺
營業時間︰星期一至日10:00 – 18:00；18:00 – 19:00（只限外賣）
Instagram專頁：@missinglink.coffee
備注：
1）餐廳不設預約訂座

3) 天后Preface Coffee AI智能系統沖調大數據咖啡

有無諗過科技同咖啡可以點樣crossover？Preface Coffee由一班科技達人營運，結合大數據與咖啡，每年都會有新主題，2020年主打用AI的智能系統沖咖啡，根據落單時嘅氣溫、時間，加埋當日全球新聞頭條得出嘅快樂指數，去揀最適合嘅咖啡豆，最後沖出濃度、溫度及大數據相應嘅最佳咖啡。，2021年則推出「Future Drinks」，呈現未來40年嘅咖啡口味，將科技真正融入生活，相當有意思！

咖啡店店內好多獨立座位，透明枱可以稍作移動，加埋樓梯上嘅坐墊，好啱自己一個拎埋電腦過嚟做野！ — 店內好多獨立座位，透明枱可稍作移動，加埋樓梯上嘅坐墊，好啱自己一個拎埋電腦過嚟做野！（圖片來源：IG@janbdiarywithlove）

咖啡店「未來咖啡」經大數據預測，呈現未來40年嘅口味。記者點過杯2040嘅latte，味道仲有得揀偏甜。 — 每年都會推出不同主題嘅飲品，2021時推出「Future Drinks」，經大數據預測去呈現未來40年嘅口味，不過供應期只喺去到上個八月咋。（圖片來源：官方圖片）

唔同一般咖啡店有嘅休閑感，踏入Preface Coffee店內就感覺到先進嘅科技感。 — 唔同一般咖啡店有嘅休閑感，一踏入店內就感覺到先進嘅科技感。（圖片來源：IG@janbdiarywithlove）

咖啡店原來嚟緊Preface Coffee仲準備開多一間分店，比起天后店會多咗個wine bar，到時又有酒又有咖啡，真喺醒神又得，日頭想chill下都得啫！ — Preface Coffee中環店裝修後已經開幕，比起天后店會多咗個wine bar，又有酒又有咖啡，真喺醒神又得，日頭想chill下都得啫！（圖片來源：官方圖片）

餐廳：Preface Coffee
地點︰天后琉璃街7號柏景中心地舖（顯示地圖）
電話：2777 7821
營業時間︰星期一至日08:30 – 18:30
Facebook專頁：Preface Coffee
Instagram專頁：@prefacecoffee
備注：
1）另設有中環分店，地址：中環威靈頓街 33 號The Loop地下及地下上層。營業時間：08:30 – 18:30（咖啡時段）；16:00 – 22:00（酒吧時段）

4) 中環MONO Lab 自家製特色Bagel 全天候供應水煙

近幾年香港一度捲起Bagel熱潮，不過外國人食開嗰種通常都比較乾身，香港人未必會鍾意。而位於中環舊式大廈內樓上咖啡店MONO Lab，有位駐場烘焙師定期會推出特色口味Bagel，口感柔韌有嚼勁，最近適逢中秋節，更加會推出中秋限定「月亮Bagel」，用低糖蓮蓉同香口咸蛋黃做餡料，味道新奇獨特！有別於一般cafe，MONO Lab連水煙都有供應，由中午12點到夜晚10點都可以點，相當過癮。

咖啡店 Menu會不停更新，定期都會有唔同口味Bagel選擇。 — Menu會不停更新，定期都會有唔同口味Bagel選擇，想知有咩新口味就可以留意住佢地Instagram。（圖片來源：[email protected]）

咖啡店除左Bagel之外亦有自家製蛋糕賣。 — 除左Bagel之外亦有自家製蛋糕賣，巴克斯蛋糕都好多人會點嚟食～（圖片來源：[email protected]）

咖啡店中秋期間限定「月亮Bagel」，bagel面頭灑了一層月亮形狀嘅糖霜，都真喺好貼題～ — 中秋期間限定「月亮Bagel」，bagel面頭灑了一層月亮形狀嘅糖霜，都真喺好貼題～（圖片來源：IG@_toute.la.nuit）

咖啡店中秋期間限定「月亮Bagel」，用低糖白蓮蓉整，啱晒鍾意食月餅但又怕膩嘅朋友！ — 餡料白蓮蓉用海藻糖整，相對低糖，啱晒鍾意食月餅但又怕膩嘅朋友！（圖片來源：IG@_toute.la.nuit）

咖啡店駐場烘焙師經常研發特別味道嘅Bagel口味，連廣島燒同印度奶茶都有，甚至連蛋糕都有忌廉栗米湯口味，認真創意十足！ — 駐場烘焙師經常研發特別味道嘅Bagel口味，連廣島燒同印度奶茶味道都有，連蛋糕都有忌廉栗米湯味，認真創意十足！（圖片來源：[email protected]）

咖啡店有得食Shisha，都咪話唔誇張！（圖片來源：[email protected]）

餐廳：MONO Lab
地點︰中環荷里活道31-33號7樓（顯示地圖）
電話：6775 7695
營業時間︰星期一至日 08:30 – 17:30 (Espresso時段)；12:00-22:00 (MONO Special時段)
Facebook專頁：MONO Lab
Instagram專頁：@monolab.hk
備注：
1）MONO Special時段只供應酒品及水煙，沒有咖啡及甜點
2）MONO Special時段可致電或以Instagram信息預約

–

回到目錄

新界區

5) 將軍澳 Stay with Cafe 寵物友善咖啡店毛孩專享餐單

寵物友善咖啡店Stay with cafe鄰近將軍澳海濱公園，鋪頭提供室內和室外座位，有足夠空間比寵物走動，放假就唔怕出街無得陪毛孩，可以帶埋狗仔一齊去cafe嘆世界！而呢間咖啡店最大賣點就喺有毛孩專享餐單，主打健康食品，咁就主人毛孩都可以一齊食得有營有益！

咖啡店連狗仔都有得high tea，呢隻貴婦狗都唔方唔「貴婦」！ — 連狗仔都有得high tea，呢隻貴婦狗都唔方唔「貴婦」！（圖片來源：IG@staywithcafehk）

咖啡店店內好多乾花動植物擺設可以影相打卡，食完tea可以同毛孩影返夠本先走！ — 店內好多乾花動植物擺設可以影相打卡，食完tea可以同毛孩影返夠本先走！（圖片來源：IG@staywithcafehk）

咖啡店狗仔見到美食都舔晒脷，勁可愛！ — 狗仔見到美食都舔晒脷，勁可愛！（圖片來源：IG@staywithcafehk）

咖啡店 Tiramisu巴斯克芝士蛋糕配法式香緹奶油，毛孩有口福之餘主人都唔執輸。 — Tiramisu巴斯克芝士蛋糕配法式香緹奶油，毛孩有口福之餘主人都唔執輸。（圖片來源：IG@staywithcafehk）

餐廳：Stay with cafe
地點︰將軍澳唐賢街29號藍塘傲地下3B號舖（顯示地圖）
電話：5545 6632
營業時間︰星期二至日11:00 – 18:00（星期一休息）
Facebook專頁：staywithcafehk
Instagram專頁：@staywithcafehk
備註：
1）用餐時間75分鐘，不設預約訂座
2）只招待會員，可追縱其Instagram成為一員
3）只收現金或轉數快

6) 大埔V.W Vegan Cafe 清新田園風純素咖啡店

大埔寶湖花園商場呢間屋苑商場睇落平平無奇，但入面竟然有間純素咖啡店。輕食方面，鋪頭有Bagel、酸種包及蛋糕，午餐或晚餐時段亦有主食供應，例如意粉、素漢堡及日式便當，素食愛好者千祈唔好錯過！

咖啡店店鋪設計走清新田園風，夾晒素食呢個主題。 — 店鋪設計走清新田園風，夾晒素食呢個主題。（圖片來源：[email protected]）

咖啡店媽媽的日式便當 $88。 — 媽媽的日式便當 $88。（圖片來源：[email protected]）

咖啡店檸檬撻，蘋果批，Mochi Browny，芒果cream cream cake，Banana Bread。全部都細細一件，咁就可以同朋友叫多幾樣share！ — 檸檬撻，蘋果批，Mochi Browny，芒果cream cream cake，Banana Bread。全部都細細一件，咁就可以同朋友叫多幾樣share！（圖片來源：[email protected]）

餐廳：V.W Vegan Cafe
地點︰大埔寶湖道3號寶湖花園商場2樓227F-06號舖（顯示地圖）
電話：5466 9854
營業時間︰星期一 11:30-16:30；星期二至四 11:30-20:30；星期五、六、日及公眾假期 11:30-21:00
Facebook專頁：V.W Vegan Cafe
Instagram專頁：＠v.wvegan

7) 荃灣Book B Kitchen 書店咖啡廳二合一

南豐紗廠貴為「文青聖地」，書店當然唔少得，Book B Kitchen同時結合書店和咖啡廳，充滿文藝氣息，填飽肚之後就可以去隔黎打書釘，感受悠閒生活。餐廳食物同樣高質，主打日式定食，其中招牌五品定食非常受歡迎，總共成7款食品在內，相當吸引！

同時喺書店亦喺咖啡店嘅Book B Kitchen會與唔同界別既機構合作，不時舉辨文藝相關活動。 — 同時喺書店亦喺咖啡店嘅Book B Kitchen會與唔同界別既機構合作，不時會舉辨文藝相關活動。（圖片來源：IG@bookbkitchenmealmeal）

咖啡店招牌五品定食 8，有玉子燒、酸豆茄子他他配黑麥多士、黃薑糖漬黑豆藜麥薯蓉、梅子芥末火箭菜蓮藕、抹茶鹽炸謎瓜、昆布汁飯團及年糕福袋昆布湯，一個價錢有咁多樣配料，超抵食！ — 招牌五品定食 $138，有玉子燒、酸豆茄子他他配黑麥多士、黃薑糖漬黑豆藜麥薯蓉、梅子芥末火箭菜蓮藕、抹茶鹽炸謎瓜、昆布汁飯團及年糕福袋昆布湯，一個價錢有咁多樣配料，超抵食！（圖片來源：IG@bookbkitchenmealmeal）

咖啡店招牌自家乳酪班戟 8 即叫即整，配搭精選北歐傳統雪糕，牛奶同香草味都好出，勁濃郁！ — 招牌自家乳酪班戟 $108 即叫即整，配搭精選北歐傳統雪糕，牛奶同香草味都好出，勁濃郁！（圖片來源：IG＠bookbkitchenmealmeal）

餐廳：Book B Kitchen
地點︰荃灣白田壩街45號南豐紗廠六廠1樓111號舖（顯示地圖）
電話：9818 5332
營業時間︰星期一至日及公眾假期 12:30 – 21:00
Facebook專頁：Book b kitchen meal meal
Instagram專頁：＠bookbkitchenmealmeal

8) 大埔Kaffee House 世外桃園Cafe 遠離煩囂鬧市

想遠離市區，搵個清幽寧靜嘅地方避世？位於大埔汀角嘅Kaffee House就絕對喺你首選。餐廳走簡約北歐路線，選址喺郊外既緣故，仲可以坐喺露天茶座，四週被大量植物盆栽圍繞住，環境非常寫意！食物提供輕食和甜品，主打手沖咖啡，例如有Ninety Plus的巴拿馬藝技咖啡、埃塞俄比亞咖啡。驚唔夠食嘅朋友都以出發前係市區食定野打下底，畢竟去呢間cafe最主都係想逃離鬧市，感受清新空氣。

咖啡店有兩層高，牆身淡灰帶薄荷綠牆身，原身係一間村屋，翻新改造後搖身一變成為一間北歐風嘅cafe。（圖片來源：IG@hkhungryfoodie）

咖啡店門口呢個大木窗位置平時最多人爭，貪佢夠曬「打卡able」！坐喺到可以一路食住cake一邊望住出面景色，有一刻真喺以為自己去緊旅行。 — 門口呢個大木窗位置平時最多人爭，貪佢夠曬「打卡able」！坐喺到可以一路食住cake一邊望住出面景色，有一刻真喺以為自己去緊旅行。（圖片來源：IG@hkhungryfoodie）

咖啡店店鋪主要提供手沖咖啡及蛋糕甜點，芝土蛋糕必食！ — 店鋪主要提供手沖咖啡及蛋糕甜點，芝土蛋糕必食！（圖片來源：IG@hkhungryfoodie）

咖啡店鋪頭好多米色系布藝及藤製傢俱，又有放唔同書藉比客人拎嚟睇，氣氛勁寫意。 — 鋪頭好多米色系布藝及藤製傢俱，又有放唔同書藉比客人拎嚟睇，氣氛勁寫意。（圖片來源：IG@hkhungryfoodie）

汀角喺郊外嘅關係，咖啡店出面都成日有貓仔走過，cute到爆！（圖片來源：IG@hkhungryfoodie）

餐廳：家‧啡 Kaffee House
地點︰香港新界大埔汀角盧慈田村24號（顯示地圖）
電話：2330 0233
營業時間︰星期一、四至五 13:00 – 18:00；星期六至日及公眾假期 12:00 – 18:00
Facebook專頁：Kaffee house 家.啡
Instagram專頁：＠kaffeehouse

–

回到目錄

九龍區

9) 尖沙咀Zizizi 紋身工作室crossover咖啡店

咖啡店就去得多，紋身店crossover咖啡店你又聽過未？咖啡店漸漸成為香港人其中一種獨特文化，已經唔再局限喺飲食方面。鋪頭一邊喺紋身工作室，而另一邊廂咖啡廳走韓式簡約風，有飲品同甜食提供，唔紋身都可以同朋友上去飲杯嘢飲。

咖啡店韓系裝潢勁「IG-able」，無得去韓國旅行都可以喺到止下渴。 — 韓系裝潢勁「IG-able」，無得去韓國旅行都可以喺到止下渴。（圖片來源：IG@ziziseng）

咖啡店店內有三位駐場紋身師可供預約。 — 店內有三位駐場紋身師可供預約。（圖片來源：IG@ziziseng）

咖啡店店名Zizizi意指紋身時機器發出嘅「滋滋滋」聲音。 — 店名Zizizi意指紋身時機器發出嘅「滋滋滋」聲音。（圖片來源：IG@ziziseng）

咖啡店咖啡廳pastel色tone設計極具韓式簡約感。 — 咖啡廳pastel色tone設計極具韓式簡約感。（圖片來源：[email protected]）

咖啡店焦糖餅combo，cheesecake同咖啡都同樣喺焦糖餅口味，勁邪惡！ — 焦糖餅combo，cheesecake同latte都同樣喺焦糖餅口味，超級邪惡！（圖片來源：IG@ziziseng）

咖啡店 Tiramisu蛋糕。 — Tiramisu蛋糕 $45。（圖片來源：[email protected]）

餐廳：Zizizi
地點︰尖沙咀金巴利街22號1樓（顯示地圖）
電話：從缺
營業時間︰星期二至日12:00 – 18:00（星期一休息）
Instagram專頁：@ziziseng

10) 深水埗Nomad 舊樓改建兩層高木系工業風

兩層高木系Cafe Nomad以工業風設計為主，由舊樓改建而成，木色及黑色為主色調，賣精品咖啡之餘亦賣手工啤酒，概念相當有諗頭。店鋪招牌原條蒲燒鰻魚漢堡，肉質厚身足料。店內近門口有條樓梯給客人席地而坐，有不少客人都會手拎咖啡影相，可以話喺打卡一大熱點，快啲約埋朋友到此一遊啦！

咖啡店店內的工業風簡約設計，以及門口旁的長樓梯，均是人們打卡的熱點。 — 店內以工業風簡約設計，門口旁邊有條長樓梯，仲放咗幾張小木櫈喺到做裝飾，呢個位絕對喺打卡熱點！（圖片來源：Esso.meals@Instagram）

咖啡店咖啡果香味道突出，奶味濃郁。 — 咖啡果香味道突出，奶味濃郁。（圖片來源：IG@haileyxf00d）

咖啡店蒲燒鰻魚漢堡配青檸鹽薯條8 — 蒲燒鰻魚漢堡配青檸鹽薯條$138，原條鰻魚仲長過個飽！（圖片來源：IG@majorinfood）

咖啡店日式吉列豬扒三文治 8。 — 日式吉列豬扒三文治 $118，經過慢煮肉色帶粉，夾埋芝士一啖咬落去食，有多重口感。（圖片來源：IG@drooolhk）

餐廳：Nomad
地點︰深水埗塘尾白楊街32號（顯示地圖）
電話：6608 6697（可供預約）
營業時間︰星期一至四 12:00 – 22:30；星期五 12:00 – 23:00；星期六 11:00 – 23:00；星期日 11:00 – 22:30
Facebook專頁：nomad.iza
Instagram專頁：@nomad.iza
備注：
1）不接受即日訂座

11) 九龍城Blossom 懷舊日本復古喫茶風

去九龍城食泰國菜你可能試過，但cafe你又去過未？波甚咖啡以木系色調為主，擺放不同種類木製傢俱，整體設計十足十日本喫茶店。店主精選五款 SOE 豆，有得揀手沖、虹吸或意式咖啡，啱曬對咖啡有要求嘅你！食物擺設亦相當花心思，套餐以木盤盛載，日式感爆燈！

咖啡店門外放有一部白色單車裝飾，唔少人都會喺呢個位影相打卡。 — 門外放有一部白色單車裝飾，唔少人都會喺呢個位影相打卡。（圖片來源：[email protected]）

咖啡店木色皮沙發和木製枱櫈，令整間店更為有質感。 — 木色皮沙發和木製枱櫈，令整間店更為有質感。（圖片來源：[email protected]）

咖啡店食物盛器精緻，有日式懷舊感。 — 食物盛器精緻，有日式懷舊感。（圖片來源：[email protected]）

餐廳：Blossom 波甚咖啡
地點︰九龍城南角道45號地舖（顯示地圖）
電話：從缺
營業時間︰星期一至日 09:00 – 18:00
Facebook專頁：Blossom
Instagram專頁：@blossom.4hk

12) 土瓜灣呼吸星球帶你走入時光隧道重回懷舊地帶

土瓜灣呢間懷舊感十足嘅打卡Cafe，店內燈光昏暗非常有情調，走入餐廳就彷忽進入時光隧道，裝潢充滿復古風味，舊式冰室卡座、舊古董、舊玩具，連天花板牆紙都喺舊報紙！店內有唔同食物提供，石垣牛定食、飲品、雪糕、甜品一應俱全。入嚟叫杯嘢飲，傾計談心Chill足半日絕對無問題！

咖啡店入夜到訪，室內有色彩繽紛嘅波波燈點綴，更似進入咗時光隧道。 — 入夜到訪，室內有色彩繽紛嘅波波燈點綴，更似進入咗時光隧道。（圖片來源：新假期資料室）

咖啡店復古花紋地磚，似足舊冰室風格。 — 復古花紋地磚，似足舊冰室風格。（圖片來源：新假期資料室）

咖啡店鹿兒島和牛沙朗燒下面京蔥燒汁手打漢堡用上5成石垣牛，油脂豐富。 — 鹿兒島和牛沙朗燒下面京蔥燒汁手打漢堡用上5成石垣牛，油脂豐富。（圖片來源：IG@gerrary）

咖啡店牆身貼滿經典電影海報，周圍都放滿舊古董和舊玩具，十足十喺片場。 — 牆身貼滿經典電影海報，周圍都放滿舊古董和舊玩具，十足十喺片場。（圖片來源：新假期資料室）

餐廳：呼吸星球
地點︰土瓜灣馬頭角道91號地舖（顯示地圖）
電話：9357 7882
營業時間︰星期一至日 11:00 – 22:00（星期四休息）
Instagram專頁：@fullcupcafe_planet
備注：
1）只限傍晚人流不多時預約，可whatsapp查詢

13) Poetic Science by Parc 過百年歷史古董擺設仿如法國小莊園

Poetic Science by Parc位於觀塘工廈，喺Parc古道具公園旗下嘅咖啡店，鋪頭裝修猶如帶你進入法國小莊園，室內傢俬都喺店主從法國和奧地利搜集返嚟，全部都有過百年歷史，充滿著歷史痕跡，夠晒Vintage！餐廳主要提供法式餐點和甜品，喺周末不妨上去食個high tea，尋尋古董，感受介乎法國與觀塘的詩意。