台風襲港│地道台式養生火鍋湯底、配料＠Dining娜

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

飲食

Dining娜

Aug 28 2017

（Presented by 養心殿台式養生鍋）

Photo：二彤

大家都知我Dining娜係一個不折不扣嘅火鍋控，但打得多港式邊爐，都想食得滋補、養生，最近我就試過一間專食台式養生火鍋嘅！養心殿乃著重配搭唔同藥材嘅台式藥膳火鍋，而且專注提供6款健康湯底，養生又養顏，真係少咗好多罪咎感，我班閨密都話大愛！

除咗火鍋夠地道，佢哋嘅配料、小食，亦好有台灣風味，唔少食材都來自台灣之外，小食亦跟足台式做法，食落真係幾有寶島風味！養心殿除咗旺角店，剛剛都進駐咗銅鑼灣，港島朋友都可以品嘗正宗台式養生滋味喇！

必食台式養生火鍋

養心殿主打6款湯底，大部分以滋補養陰藥膳食材為主。其中5款：麻辣鍋、養生鍋、寧神養心鍋、薑母鴨鍋、酸菜白肉鍋，都係沿用正宗台灣做法；而另一款美人鍋就係自家首創，師傅將烏雞、桃膠等滋潤食材用老火熬成湯底，養顏精華盡滲其中，絕不燥熱，我哋梗係飲完湯，先再食火鍋啦！

如果大家無頭緒揀邊款湯底？揀最人氣嘅實無錯！店主陳先生透露，美人鍋同麻辣鍋都係兩大長踞榜首，幾個人食揀呢兩款鴛鴦湯底最好不過！講番麻辣鍋，師傅用咗台式豆瓣醬，再加指天椒、泡椒、辣椒葉油、八角、白豆蔻、草果等13種香料煮成濃湯，足料又正宗，香辣而不麻；配搭湯底中嘅鴨血、凍豆腐等清淡食材一齊食，就能食出辣湯同食材嘅真味。麻辣鍋有大、中、小辣揀，想飲湯的話，可選小至中辣。