可樂粉絲必食!! 可樂下午茶三層架主題半自助餐 |太古食乜好|

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

飲食

CentralEditor_WW

Sep 27 2016

可樂下午茶？認真有噱頭！雖然10月16日才正式推出，但Hello Pinkey已率先去試食，三層架的食物賣相，以甜品最吸引，不過都未夠半自助餐內任食的甜品靚，Buffet還有鹹點菠蘿可樂蜜汁烤火腿、慢燜可樂牛腩等可樂菜式，即睇詳情！

撰文：Hello Pinkey｜圖片：Kwan Yiu

可樂下午茶三層架

三層架下午茶將於10月16日至11月20日，逢星期日推出，甜品賣相吸引，包括可樂啫喱，可樂味明顯；紅絨小蛋糕，蛋糕香中帶點點可樂味。驚喜是部分鹹點都有可樂味，例如醃可樂三文魚香草忌廉黑麥包，忌廉中加了可樂，嗒落有點甜，但可樂味不算太明顯。

下午茶包玻璃瓶裝可口可樂一支，想飲點酒，則可加錢柯打可樂Cocktail，如Pina-cola-da、Cola Punch和Pop Cola，其中Pop Cola最有趣，要先食一口爆炸糖，再喝有薑味的可樂雞尾酒，爆爆爆中帶辣度，刺激度足！

可樂主題半自助晚餐

半自助餐以可樂做主題，真是少見，當中的可樂造型甜品全部任食，Hello Pinkey認為Semi-Buffet的甜品賣相更加吸引，包括胡桃朱古力蛋糕、法式香檸杏仁脆餅和紅絨小蛋糕等。頭盆也是任食，菠蘿可樂蜜烤火腿、慢燜可樂牛腩、薑汁可樂雞翼將輪流供應，而主菜則任揀一款，提建選香辣可樂和牛牛腩或烤焗可樂蜜汁鱈魚。半自助餐由10月18日至11月24日期間供應。