友利冰室x勿當奴觀塘分店開幕！自家燒味＋乳豬卡邦尼 梁祖堯大讚｜區區搵食
廣告
友利冰室疫情期間不斷擴展，早前開設友利雜貨店後，在觀塘插旗開友利冰室x勿當奴分店。開業不足兩星期，人龍已逼爆整個商場，店子主打自家工廠製作燒味及湯品，也有玩味重的「勿當奴」快餐漢堡選擇，價位親民，難怪已經成為觀塘打工仔的飯堂！
友利冰室x勿當奴 觀塘插旗開第4間分店！
友利冰室是間平民燒味茶餐廳，由新蒲崗開業得到街坊支持，期後殺出一條路，於太子、荔枝角開設友利坊／冰室x勿當奴分店。友利坊以自家工場製作的燒味而深受街坊歡迎，今年年初更開友利雜貨店售賣燒味、湯包及急凍小食等。最近友利冰室再下一城，開設觀塘分店，位於最多打工仔的駿業街中海日昇中心。分店開幕不足兩星期，中午人流旺盛，外賣人龍一度逼爆整條路，目測至少50人在等待，可見受街坊及上班族的支持！
自家工場燒味＋快餐玩味漢堡 梁祖堯都大讚！
友利冰室所有燒味都在自家工場製作，燒味師傅有多達30年經驗，製作出統一的味道直送各分店。不過觀塘分店供應的燒味款式不多，當中Fusion乳豬卡邦尼，乳豬皮夠香脆，配上Creamy彈牙的意粉有強烈對比；叉燒煎蛋飯，叉燒用上美國穀飼豬製作，入口燶邊內裡Juicy，配搭流心蛋黃，讓人不禁想起黯然銷魂飯；其次無骨切雞飯同樣出色，！飯類方面，除了燒味，大推鰻魚蛋包飯，滑蛋口感層次豐富，蛋香味甚濃！就連梁祖堯都曾出帖文大讚！
叉燒有齊半肥瘦部位﹐啖啖油香！（圖片來源：新假期編輯部）
用料充足，一碗有成3件雞肉，雖飲得出沒有味精，不過味道略為淡。（圖片來源：新假期編輯部）
叉燒相當吸引，燶邊泛油光，飯量十足，絕對飽肚！（圖片來源：IG@pumpkinjojo）
全新Fusion配搭，中式混合西式，口感既新奇，又意想不到地夾！（圖片來源：IG@cowing_foodie）
滑蛋滑嫩而不鬆散，火喉剛剛好，蛋香味比坊間更重！（圖片來源：新假期編輯部）
此外，餐廳加入了快餐元素，妨似麥當勞般售賣「巨無罅」、「冚家雞」、脆香雞翼等，仲有不是期間限定的將軍「噢」堡，名字相當玩味。柯打完仲可以到餐廳內與Q版「勿當奴」叔叔一同進食快餐，感覺置身在童年懷舊麥當勞。
記者到訪當日，薯條缺貨，餐廳以花枝丸代替。（圖片來源：新假期編輯部）
全線分店9折 8日限定！
於5月1日至5月8日期間，所有Mee會員於全線友利系列餐廳消費，均可享9折優惠，仲可以換取2倍Mee積分，切密錯過！
- 餐廳：友利冰室x勿當奴
- 地址：觀塘駿業街56號中海日升中心地下HJK號舖
- 營業時間：星期一至日11am-9:30pm
- Facebook專頁：yauleibistro
友利冰室目前有幾多間分店？
友利冰室分別在新蒲崗、太子、荔枝角及觀塘有分店，目前是4間分店，詳情按此。
友利冰室最出名是邊款菜式？
友利冰室燒味是頗有名氣，全部燒味由自家工廠製作，例如叉燒、無骨雞、乳豬等，詳情按此。
圖片來源：新假期編輯部、IG@yauleibistro、IG@pumpkinjojo
