日本127年天婦羅老店進駐銅記！ 食招牌「 原條海鰻天丼 」
廣告
銅鑼灣登龍街可以話係和食嘅天地，成條街有好多日本料理餐廳，想食日本菜真係要去行返一轉。就快又有一間新食店進駐啦！今次呢間秋光有 127 年歷史嘅日本天婦羅專門店。當中鎮店嘅食物係日本名產 原條海鰻天丼 ，6月就開業喇，遲下經過登龍街不妨去試下！
招牌！ 原條海鰻天丼
香港人平時最鍾意食蒲燒鰻魚飯，最好鰻魚係原條上。咁原條上嘅炸海鰻天婦羅丼又試過未? 聽講師傅用獨有秘方炸天婦羅，配上秘製天婦羅汁，應該幾惹味！
除咗海鰻天婦羅之外，炸野菜海老丼都係大受好評，食過日本店嘅人都話天婦羅外面香脆，內裡多汁，聽到都想試下係咪真係咁高質呀！
日本淺草嘅秋光本店開業1年已成為淺草最著名餐廳之一，仲贏過「全國天丼比賽」金牌。睇嚟呢間天婦羅店好值得期待。
秋光 Shitamachi Tendon Akimitsu(6月3日開業)
地址︰銅鑼灣登龍街 28 號永光中心 13 樓（顯示地圖）
電話：3580 0654
fb：秋光（Shitamachi Tendon Akimitsu）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
