原個紫薯製造！$17 紫薯 +芋圓+手抓餅【天水圍】
廣告
去到太安樓，好多人都會試一下 紫薯 手抓餅，傳聞話一日可以賣100份！除了手抓餅的酥脆外，再加幾分紫薯香味，最後加上帶子裙邊等配料就真係完美配合啦！啊~只不過如果我係 紫薯 控，想想重口味，有 紫薯 餡做配料得唔得？得！因為我哋發現天水圍有人賣一個 紫薯 餅皮 + 紫薯 薯粒 + 芋圓的三重奏手抓餅，份量更有一整個紫薯之多！！！新界西朋友又有福了！
先由Blogger試味 littlemsfoodie
Blogger littlemsfoodie:
熱辣辣的紫薯餅皮煎得酥脆鬆化，不過略嫌油膩，紫蕃薯粒天然香甜份量慷慨，芋圓煙韌軟腍，紫薯迷不容錯過。
天水圍街坊小店 再有新口味
今次介紹的小店，同樣位於天水圍新北江商場，本身以賣甜品糖水為主，今次引入紫薯手抓餅，製作都叫幾有心思。第一，手抓餅提供紫薯餡，而份量有一整個紫薯。第二，製作紫薯餡時，有使用薑，令餅內有點點辣味，提升整體味道。第三，加入芋圓做配料，令餅內增加煙韌口感。
另外提提大家，如果覺得紫薯餅+紫薯餡已經好夠味，大家可以唔要芋圓，價錢就減到17元，更加抵玩！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
