即製流芝蟹子 玉子燒 11款口味任揀 |太子食乜好|
廣告
日式 玉子燒 軟熟得像海綿蛋糕，甜甜哋，有蛋香，很多人喜歡吃。最近驚見 玉子燒 2.0，由原味進化到11款新配搭，有榴槤、芝士、黑糖等口味，現在一於睇睇。
採訪：Ruby 攝影：Tommy
11款 玉子燒 即製流芝蟹子蛋
最近有海鮮批發店，新開堂食區，主打 玉子燒 。老闆研發出11款口味，除常見的原味、芝士外，還有鰻魚、芝士蟹子、D24榴槤等口味。蛋漿是師傅秘製，配料全用店內新鮮食材。玉子燒在開放式廚房即叫即煎，由落蛋漿、加配料，到一層層捲起，整個過程一目了然；每件 玉子燒 分量十足，配料多到滿瀉，足夠2人share。
最熱賣食品，餡料有車打芝士和蟹子，食時，蟹子在口中爆開，惹味鹹鮮。
玉子燒內藏了近半條蒲燒鰻魚，口感煙韌豐腴，鮮甜鰻魚汁為雞蛋提鮮。
即食手掌大日本海膽
店內有生猛海鮮供應，最近有手掌般大的日本海膽，即叫即開，膽肉大片如尾指，啖啖肉，味道鹹香鮮甜。另外還有活赤貝、即蒸4斤重花咲蟹，在店外立食，與好友小酌幾杯清酒，別有一番風味。
北海道馬糞海膽，原隻即開鮮甜到不得了，口感滑如雪糕。
選用左口魚背柳，切片火炙，肉身爽滑，魚油香而多，配飯食一流。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
