自選即劏刺身│體驗魚市場 居酒屋 文化 ＠Dining娜

Photo：Barry

唔少香港人都被日本嘅魚市場同 居酒屋 文化所吸引，因為氣氛熱鬧、輕鬆，客人又可以同壽司師傅互動、交談。嚟到鳴門魚市場居酒屋，正正就畀人置身於日本居酒屋嘅感覺，牆上貼滿一道道是日精選或廚師推介嘅菜式、小食，再加上一幅幅懷舊海報，東瀛風味十足。

鳴門以新鮮嘅刺身、壽司馳名，每日有多款飛機貨空運到店，新鮮度滿分。另外，鍾意飲清酒嘅朋友，呢度選擇都好多。一班friend依家仲有多一個原因嚟鳴門食飯，因為呢度推出咗「食$100送$100現金券」優惠；VIP更可以「食$100送$200現金券」，超抵！有著數，我Dining娜當然馬上喺群組嗌咪約飯局啦！

每日20款飛機貨刺身到店

新鮮肥美當造嘅刺身、壽司，一直係鳴門嘅必食熱選。皆因佢哋每日有廿幾款來自九州、福岡、北海道等地嘅飛機貨刺身空運到店，特別嘅要數愛女魚、胡椒鯛、金時鯛、水母等；師傅會因應時令而挑選當造鮮魚，所以味道特別鮮甜，油脂豐富；因應季節，又會多選貝殼類海產，種類多元化。

店內特設鮮魚架，展示十幾款每天空運嘅「是日靚魚」，客人如果對鮮魚唔熟悉，可以向師傅了解，佢哋會推介客人鍾意嘅濃淡口味同質感，客人可隨自己喜好挑選靚魚，師傅收柯打就即劏製作刺身，十足十日本嘅魚市場咁。

居酒屋 怎少得清酒、下酒菜

講明係 居酒屋 ，日本清酒款式也特別多，包括多款純米大吟釀、大吟釀，各有不同味道個性。飲清酒的話，又點少得下酒菜？單係串燒足有廿幾款，燒和牛、牛舌、豚肉露筍卷、免治雞軟骨串等等，都係大熱燒物！另外，推介嗜牛朋友安格斯牛肉眼，肉質軟腍多汁，送酒一流。當然，唔飲酒，邊食邊傾偈一樣過癮。

鳴門魚市場居酒屋

荃灣店：楊屋道1號荃新天地一期UG37號舖（港鐵荃灣站）（2941 0590）（顯示地圖）
旺角店：染布房街12-14A依利大廈地下B號舖（港鐵旺角站D2出口）（2392 6106）（顯示地圖）
西環店：西營盤第一街8號縉城峰地下2號舖（港鐵西營盤站B1出口）（2640 1000）（顯示地圖）

鳴門割烹料理

地址：九龍灣宏照道33號國際交易中心2樓2號舖（顯示地圖）
電話：2796 7788

日和号壽司料理

地址：九龍灣宏照道38號Megabox 10樓5號舖（顯示地圖）
電話：2359 0025

備註：收現金及信用卡，設加一

*「食$100送$100現金券」、「VIP食$100送$200現金券」優惠可於下次晚市使用，只限荃灣店、九龍灣鳴門割烹料理、九龍灣日和号壽司料理。