元朗失傳$7忌廉筒 勝發餅家老師傅堅持不加價 平歎手造麵包＋酥香蛋撻＋懷舊西餅｜區區搵食
廣告
勝發餅家是元朗錦田一間59年老字號麵包舖，多年來堅持用本地食材，個個麵包人手搓製，鬆軟香綿，吸引不少街坊幫襯，就連西環居民都專程揸車入去，只求一包，到底有咩咁巴閉！立即睇睇！
撰文：Rice｜攝影：二彤
元朗錦田勝發餅家60年老字號$7忌廉筒
忌廉筒，金黃的三角筒形，包裏厚厚的忌廉，吃落先是淡淡的酥皮油香，接著忌廉的幼滑香甜，那一鹹一甜的味道，是不少人兒時回憶。這個買少見少的忌廉筒，竟在元朗錦田一家60年老字號，「勝發餅家」中找得到。
表皮酥脆，口感像硬身的牛角酥，啖啖牛油香。 內層忌廉，香甜帶微鹹，是童年回憶的味道。而這款忌廉筒，現時賣少見少，竟然於元朗錦田的勝發餅家中找到！（圖片來源：新假期編輯部）
功夫多多 3小時搓製！
「 忌廉筒，功夫多啊！又要摺皮又要雪硬，現時好多師傅都嫌麻煩，不如做菠蘿包、雞尾包更經濟實惠。」店主蔡師傅道。不問不知，原來舊時勝發沒有忌廉筒賣，是他引入，元朗人才開始認識。「 初初試賣一底，誰知愈嚟愈受歡迎，最高峰時期可賣成 二、三百個！更有人專程由西環過來買。」蔡師傅 說畢，走到廚房示範忌廉筒製作：先搓好酥皮及麵 糰，混合後放進雪櫃雪至1小時，再用麵粉棍壓平，切成一小條長方形，用特製圓筒捲成忌廉筒狀，最後放進焗爐及唧上忌廉才能完成。由最初到最後步驟可要3小時，功夫多多。
一個忌廉筒的誕生
沿用本土食材 堅持不加價
店主蔡師傅邊揉著麵糰邊道，「 舊時幾千蚊租，誰知一加加 Double 變萬幾蚊租。但我咁多年都甚少加價，即使加，都係加一個幾毫。」看看價錢，麵包實是街坊價，台柱菠蘿包、 雞尾包、腿蛋包、白方包、蛋撻、椰撻、提子麥包，還有小巧精緻的懷舊蛋糕，款款均是$6-$8不等。價錢幾乎停留在20年前，難怪都有捧場客。
同樣香甜足料，咬落滿 嘴椰香，鹹甜有致!包 體軟熟，一口一香甜。（圖片來源：新假期編輯部）
可要求店員替你切片，厚切或薄切皆可。吃落滿口都是麵粉香氣，很是誘人。店內也有些袋裝供應，$13/8塊，配果醬或牛油均宜。（圖片來源：新假期編輯部）
微甜鬆軟，回彈力高，不像坊間 的空心包般，啖啖是真材實 料。提子的香甜酸爽提升了味道層次，甜中帶麥香。（圖片來源：新假期編輯部）
不過打聽下，才知原來成本所值不菲，堅持用上香港麵粉廠的麵粉配上黑白淡奶，打出來的麵糰才夠軟夠滑。配上老師傅的經驗，每個麵包款款表皮焗得金黃亮麗。
雖然蔡師傅年紀已漸老邁，卻沒想過退休一日。「 有 人買咪繼續賣。」對啊，堅持一件事又何須顧慮太多，做得開心最重要。
勝發餅家的店主，入行已有50多年，不止麵包， 連西餅、月餅、油器、糖餅也難不倒他。（圖片來源：新假期編輯部）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：新假期編輯部
