分子果汁 + 噴煙梳打 !!! 勁呃Like冰涼飲品店 |旺角食乜好|

Q: 香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等 ......即睇更多詳情。

Aug 5 2016

潮流興相機食先，呃 Like 緊要過食飯，而旺角繼火箭果汁店後，最近又有新飲品店開幕，集齊分子果汁、自拍奶蓋，噴煙梳打等打卡元素，召集所有新潮面孔！

撰文：Jacky | 攝影：Kwanyiu

分子果汁！？果汁椰奶變泡沫

果汁飲得多，分子果汁你又飲過未？店舖老闆就將平常調製分子醬汁的技巧用於果汁，將果汁稍為調味，再打入一氧化氮，將原本液體狀態的椰奶或是果汁，變成泡沫狀，鋪在新鮮果汁或 Mocktail 上同飲，帶來雙重味道口感。首推泰國芒果王椰子汁，椰奶打成泡沫後非常 creamy，將其香濃味道完全釋放，配上泰國鮮甜的芒果王果汁，飲落好滿足！

芒果跟椰子一向是絕配，鮮甜芒果汁加上Creamy 椰奶泡沫，香濃不膩。

繼續呃Like！噴煙梳打 +自拍奶蓋

店內亦提供近期韓國大熱的噴煙梳打，飲品加上溫度低至攝氏零下196度的液體氮，營造煙霧彌漫的效果，感覺夢幻，影唔停手！當然也少不了同樣 Hit 爆的自拍奶蓋，打印自己心水照片於飲品上，又可以大影特影，並以忌廉取代奶泡，令圖像更持久，不用擔心不夠時間拍照。點了呃 Like飲品，可以配埋炒雪糕或是雞肉小食，唔會寡。