九龍灣新發現﹗茶木出 冷泡茶 夏日至爽 歎埋即焗台式手作軟包 @Dining娜

近排天氣熱辣辣，喺街行10分鐘已經一身汗。好似早兩日去開九龍灣，經過MegaBox，梗係入去抖下冷氣，四圍望諗住買嘢飲。嘩！正呀！呢度幾時開咗間茶木？望真啲，原來仲有條新 line叫「茶包」。八卦埋去裝下，仲有 冷泡茶 賣喎！$16/支，梗係要即時試下！

冷泡茶 浸足12小時 茶味盡出

估唔到台灣勁 hit嘅冷泡茶都有得賣，樽樽都係自家沖泡的台灣高山茶，每樽都有獨立茶包，茶湯金黃清澈，內裡的原片茶葉清晰可見。一共有4款：東方美人茶、凍頂烏龍、清馨烏龍同蜜香紅茶，全部都經過12小時浸泡，飲一啖，甘甘甜甜，茶味香醇，仲冰涼入心，暑氣全消呀！

點止冷泡茶咁簡單

唔止冷泡茶，茶包仲有賣冷泡茶奶蓋、果茶及歐蕾，每款茶加入了奶蓋、鮮果及鮮奶，做出多款選擇。冷泡茶上層有厚厚的奶蓋，香甜濃郁，雙重滋味；茶歐蕾就融入了香醇鮮奶，清新口感又順滑；果茶加入新鮮水果，健康又清爽，最啱消暑﹗

6款台式歐軟包 即將上市

咦！點解突然有咁香嘅麵包味？原來「茶包」仲有軟包賣，透過幾塊大玻璃櫥窗，見到個師傅捧住盤新鮮出爐麵包，好吸引呀！聽職員介紹，即將就會正式上市，呢度賣嘅係台式歐軟包，師傅用台灣葡萄種液發酵，我不會做麵包，太專業的名詞搞不清，反正就是同台灣麵包大師吳寶春相類的做法，做出來的台式歐軟包比傳統歐軟包，外皮更軟熟、內裡Q軟。

麵包暫時有6款，size都很有份量。職員見我對新產品咁有興趣，就請我試食畀意見。6款軟包中，我最鍾意「棕式提子粒粒」，一拎上手，見到軟包質地綿密，合桃酥香，最誇張是那些提子乾，很大粒，好甜呀﹗另外3款新月形的麵包都好特別，有玫瑰花瓣鋪面的「玫瑰紫薯戀曲」，內藏啖啖紫薯蓉，軟糯芳香；另一款啡色新月形麵包「流心黑可可」，搣開有流心朱古力，唔太甜。至於淡黃色的「金芒戀人」同有罌粟籽鋪面的「白之貓山皇」，竟然真的有鮮芒果及榴槤肉做餡，果香清新，很有驚喜。最後綠色的「抹茶綠盛會」除了有大熱的抹茶、紅豆，還加入煙煙韌韌的麻糬，令軟包的口感更豐富。果然，每一款都好特別！

必食茶木招牌菜

可能因為軟包太好吃，竟然愈食愈肚餓。既然一場來到，當然順便食埋lunch，休息一下，才有力繼續shopping。話時話，這間以 gift box 為主題的茶木分店，又幾舒服，樓底高，而且仲有一列落地窗戶，有天然光滲入來，非常relax。

我次次嚟親都一定要食「TeaWood紅燒牛肉麵」，自家打的麵條，好彈牙，牛肉又跟足台灣做法——厚切，又腍又入味。仲有杯「綜合鮮果茶」，用橙汁、菠蘿汁混紅茶做成，生果就次次不同，睇得出是隨季節轉換的，很有心思。還有好夏日feel的「鳳梨鮮果甜酸肉」，味道似咕嚕肉，酸酸甜甜，仲有草莓、藍莓、火龍果等，好開胃。必食甜品，當然係「草莓香草蜜糖磚塊」，賣相勁靚，每粒多士磚塊都烘得脆口，蘸雪糕同忌廉食，大滿足呀！

茶木/茶包

地址：九龍灣宏照道38號 MegaBox 地下4-6號舖（顯示地圖）

電話：2386 1510

營業時間：7:30am-10:30pm

Facebook：TeaWood茶木/茶包TeaBread

（下載T-Factory App盡享優惠）