冬至節日飯聚推介 | 銅鑼灣城中熱門中日食府＠Dining娜

話咁快2018即將過去，又到咗我Dining娜最鍾意嘅12月，個個周末都有飯局！身邊親朋好友知我對食有一定要求，訂枱揀食咩好呢個重任當然由我負責！特別係揀冬大過年嘅冬至晚飯，既要有質素而且特色有心思，創意菜式同珍饈食材孝敬長輩們就最適合；同班吃貨朋友要選款式夠多、食得盡興嘅海鮮火鍋或日式放題，地利位置方便又設有停車場嘅銅鑼灣廣場2期就一次過滿足晒我三個願望！

冬至精選食府推介

1. 古法烹調養生珍品 名苑酒家

屹立中菜界三十年嘅廣東菜代表，擅於結合傳統與創新，主理矜貴珍品，不時精選時令健康食材入饌，無論同家人飯聚，還是閨密們飲茶都一定有心水選擇。

名苑酒家：7樓，電話2893 1038

2. 米芝蓮食府推介 太湖海鮮城

多次獲得「米芝蓮美食推介餐廳」（2009-2011年、2013-2018年）大獎，經常推陳出新，以真材實料配合獨特製法，烹調出不少珍貴菜式，以及創意巧手海鮮小炒都不能錯過，絕對係預訂冬至飯最佳地方！

太湖海鮮城：9樓，電話2893 9882

3. 極上手工粵菜 翠園

主打傳統手工粵菜及廣東點心，由資深老師傅坐鎮，每日即製燒味最為吸引，加上四十多年來以巧手粵式烹調手法，變奏出創意有心思菜式。鐵板叉燒、翠園燒鵝皇屬必點燒味推介，廣東名菜就一定要試桂花古法炒花膠柳、原隻鮑魚荷葉飯、士多啤梨脆肉排等，同摯親來品嘗一定滿意。

翠園：3樓，電話2573 9339

4. 創意巧手潮州風味 潮江春

潮州架己冷必到嘅指定選擇，聞名飲食界多年就知有一定水準同質素，以傳統潮州菜為本，同時亦加入不少新派元素，招牌滷水系列就一定要試滷水鵝片，以及一次過食齊潮州小食嘅潮式四喜拼盤，還有黃金煎伊麵、家鄉煎蠔烙、砂鍋普寧豆醬雞等家傳戶曉嘅潮州美食，千萬唔好錯過！

潮江春：2樓，電話3692 5050

火鍋放題盡興推介

5. 澳門台山水佬榮海鮮火鍋專家 海鮮鍋賀冬至

由澳門聞名至香港嘅水佬榮海鮮鍋，以即日鮮海產做賣點，時令海鮮鍋做湯底，夠晒鮮甜香濃！最吸睛一定係航母海鮮盛宴，份量十足，啱晒同大班朋友開心分享；寒冷天氣就要揀辣汁雜菌花蛤鍋，大大隻花蟹和新鮮花蛤，配埋秘製辣汁，刺激惹味！另外仲有極品花蛤蟹鍋、辣汁花甲雜菌蟹煲等，加埋超正火鍋料，夠晒滿足！

澳門台山水佬榮海鮮火鍋專家：5樓，電話2866 1111

6. 高質多選擇日式放題 極尚大瀛喜日本料理

以高質日式料理做招徠，地道冷熱日式美食、創意手作刺身壽司、炸物天婦羅、特色燒物等一應俱備，食材選料認真有水準，同大班朋友盡情任食一定大滿足！

極尚大瀛喜日本料理：11樓，電話3188 8008

7. 三小時任食放題 滿屋日本料理

平時同班吃貨同事就指定要嚟呢度食足三小時放題，有超過90款刺身壽司、串燒燒物、鐵板燒及日式料理、沙律甜品及甜點雪糕等，以半自助餐無限供應，夠晒盡興！

滿屋日本料理：8樓，電話3622 3366

8. 冬日暖意洋溢 Starbucks

每到入冬時分特別掛住一杯香噴噴、暖笠笠熱飲，呢杯新推出嘅飄雪特濃朱古力咖啡，香濃黑朱古力咖啡蓋上特濃咖啡鮮忌廉，入口幼滑細膩，加上面層彩色糖果脆粒夠晒節日氣氛呀～

Starbucks：2樓 電話2259 9375

9. 台式飲品專家　Coco都可茶飲

大餐後點少得一杯台式飲品做總結，來自台灣嘅CoCo嚴選優質茶葉，以及季節鮮果，即製成手調飲品。

CoCo都可茶飲：地下G02號舖，電話：2896 1229

同場加映：法式傳統烘焙工藝 RISE Bakers Pop-up Store

跳出香港嘅黃婉曼開設的麵包學校，主打法式傳統烘焙麵點美食，由法國麵包大師Stephane Reinat嚴選頂級原材料，自家培植天然酵母及低溫發酵麵糰，炮製出健康美味的手工麵包。

今個聖誕節RISE於銅鑼灣廣場2期設嘅期間限定店，有我同班閨密們最like聖誕麵包「史多倫」、四色流心牛角包、薑餅人曲奇餅、雜果朱古力片同朱古力杏仁粒粒，無論送禮定自己開心食都夠晒應節啦！

RISE Bakers Pop-up Store ：https://www.facebook.com/RISE.Boulangerie

銅鑼灣廣場2期

地址：銅鑼灣駱克道463-483號（港鐵銅鑼灣站C出口）

泊車：附設停車場，B2樓，設置2個中速充電裝置。