冬甩推介2025｜15間人氣店！最平$4件/煙韌波堤冬甩/流心爆餡
冬甩推介2025｜1.Mister Donut
日本冬甩專門店Mister Donut於上年10月來港開首間分店後，至今分別在觀塘、沙田開了3間分店，每間分店每日排長龍，可見人氣有幾高！ 香港店Menu和日本相若，共20款選擇，有波堤、法式扭紋、朱古力冬甩、鬆脆冬甩和酵母冬甩系列，價錢$19起。當中「波堤」系列就是店家招牌，圓形一粒粒的外觀及口感十分獨特，外皮酥脆，內裡卻藏著鬆軟的麻糬口感，食不停口！
Mister Donut沙田店
冬甩推介2025｜2. Donut Demo
Donut demo是觀塘一間人氣美式波堤冬甩專門店，主打多款口味的波堤冬甩（Mochi Donut），有Lotus海鹽牛奶朱古力、椰子生日蛋糕、曲奇忌廉和雙重士多啤梨等口味，另外亦常推出期間限定口味，每款賣相都好精緻。冬甩每日鮮製，口感煙韌，甜度略高，適合愛吃甜品的人士，想食的記住預早一日預訂！
觀塘新開波提冬甩專門店
冬甩推介2025｜3.Dough Bros
被喻為被Pizza耽誤的冬甩店之稱的Dough Bros，雖然主打手工薄餅，但自家即炸冬甩都是招牌。冬甩提供多款人氣口味，包括吉士、開心果、士多啤梨、榛子醬、檸檬，可自選白砂糖或玉桂味砂糖，即叫即炸，再唧入忌廉餡，口感鬆軟，款款流心爆餡！最近亦推出全新爆漿柚子冬甩，融合了清新柚子風味，讓人一口咬下便能感受到濃郁的果香。它的外層金黃酥脆，內裡則鬆軟香甜，搭配著微微的柚子酸甜，帶來獨特的口感體驗。
冬甩推介2025｜4. 理想餅店
「理想餅店」憑着即炸冬甩紅極一時，店主兼麵包師Hazel曾在美麗華酒店任包點大廚，後來更到德國麵包廠深造烘焙技術，回港後開設這間店。開舖7年以來一直大賣的即炸冬甩共14款口味，常規口味包括吉士、金莎朱古力、檸檬蛋黃醬、D24 榴槤，也有新推出開心果、香橙、芋頭、宇治抹茶等，所有冬甩即叫即炸，等大約15分鐘，務求達至外脆熱、內餡冰涼的冷熱交融的口感。冬甩包身鬆軟，一咬流心爆餡，簡直是邪惡之選！
新蒲崗理想餅店翻新重開
冬甩推介2025｜5. Pinky bakery
由網店起家的Pinky Bakery 本賣手工烘焙產品，但推出冬甩系列後，隨即成為人氣 No.1甜品。小店供應多款口味，例如吉士、熱情果、芝麻、抹茶等，其中芝麻口味是店家招牌之一，用台灣黑芝麻磨成醬製成，芝麻味特別香濃。冬甩全部都是自家製，鬆軟彈牙，忌廉餡濃稠又不會過甜，沒有油溢味之餘，更帶一種天然麥香味。
冬甩推介2025｜6. Farmchap
炮台山人氣手工冬甩店Farmchap，冬甩造型可愛，顏色鮮艷，而且定期會轉換新口味，深受唔少人嘅喜愛。冬甩經低温發酵13小時，口感煙韌鬆軟，除了有招牌焦糖燉蛋、檸檬茶、抹茶芝士等口味之外，臨近新年亦推出新口味（6件$288；9件$368） ，包括肉桂糖冬甩、雷沙湯丸、自家鮮西柚果醬、薑餅撞奶等，無論送禮定是自肥都一流！
冬甩推介2025｜7. Hole Foods
中環人氣美式冬甩店Hole Foods，提供10多款口味冬甩，包括雲呢拿吉士、斑蘭椰子、檸檬、朱古力等，全部都是自家製，冬甩炸得金黃色，口感鬆軟，款款爆餡，lunch time好快火速賣完！
冬甩推介2025｜8. Bakehouse
Bakehouse沙田分店Bakehouse這間人氣麵包店近年人氣超勁，麵包店由前香港四季酒店總廚Gregoire Michaud（Greg）主理，最近殺入沙田新城市廣場開第7間分店。他們的酸種蛋撻十分受歡迎，更被遊客們大力搶購以至要實行每人限購，但店內的牛角包、冬甩都是人氣之選，其中冬甩分別有覆盆子果醬、雲呢嗱、抹茶、朱古力口味、以及新出的沙田蜂蜜柑桔冬甩，包裹着來至沙田永和蜜蜂場的蜂蜜，柔滑的意大利芝士雲呢拿忌廉，味道清新，最後配上蜂巢形狀的杏仁薄片，超美味！
冬甩推介2025｜9. MsDonutt
MsDonutt 是一間IG小店，社交平台追蹤人數3.6萬人，絕對是其中一間香港人最為熟知的冬甩店。冬甩均是非油炸及沒有加入任何防腐劑，多款口味包括朱古力、抹茶及棉花糖，都非常吸引！
冬甩推介2025｜10. J.Co Donuts & Coffee
印尼冬甩咖啡店 J.Co Donuts & Coffee 於2016年登陸香港，主打冬甩食品，現時在香港有2間分店，分別位於旺角及中環。冬甩製法跟足印尼本店，有八成材料來自當地，咖啡店更派店員去當地受訓。冬甩每日鮮製，至少要發酵兩個鐘，然後再炸，炸香後配上不同的糖霜、Toppings，全部只會保存四小時，夠新鮮。
冬甩推介2025｜11. Pane e Latte
位於赤柱的兩層高意大利粉紅麵包店Pane e Latte，去年開業不久，已吸引了大批食客前往打卡！地庫設有自家烘焙場，必試意式有饀冬甩Bomboloni，堪稱冬甩界最邪惡的款式！
冬甩推介2025｜12. 揉然地
位於紅磡的「揉然地」是一間新派麵包店，除了有多款創作包點，而店內的3色冬甩亦非常受歡迎，包括開心果朱古力、芝麻朱古力、朱古力彩針，經常好快沽清！
冬甩推介2025｜13.櫻島麵包餅店
現時擁有3間分店的「櫻島麵包餅店」，每間分店賣的食品都不同。餅店亦有賣冬甩，更用上不同饀料，例如藍莓醬。價錢非常便宜，最平只需$4！
冬甩推介2025｜14. A-1 Bakery
連鎖餅店A-1 Bakery提供多款不同類型的冬甩，例如多得環、甜甜圈、甜心冬甩等，選擇多。早排更聯乘日本京都高級抹茶品牌「祇園辻利」，推出宇治抹茶甜品，宇治抹茶朱古力麻糬冬甩選用日本麵粉製作，朱古力麻糬冬甩鬆軟不油膩，夾層塗滿了以祇園辻利宇治抹茶製作的抹茶吉士醬，微甜易入口，面層放上紅莓乾中和膩感，帶微酸甜味，加上咬落仲有軟糯的麻糬，口感豐富，茶味細膩。
A-1 Bakery聯乘日本京都祇園辻利
冬甩推介2025｜15. 聖安娜
連鎖餅店聖安娜也有供應冬甩，提供3款口味選擇，包括朱古力、吉士同士多啤梨。以發酵麵團炸至金黃色，中間注入不同口味嘅忌廉，最後表面撒上糖粉。另外聖安娜都好緊貼潮流，最近新推出杜拜朱古力日式冬甩，口感煙韌，搭配濃郁黑朱古力醬，頂層再撒上開心果醬麵條，無論視覺上及味覺上都好豐富，杜拜朱古力日式冬甩$15件（優惠$39/3件），價錢都幾抵試。
聖安娜全新杜拜朱古力麻糬波波+冬甩
有邊幾間人氣冬甩店？
編輯部精選15間本地冬甩的店舖，日本冬甩專門店Mister Donut、Dough Bros、理想餅店…，更多詳情……
Mister Donut主打什麼冬甩？
香港店Menu和日本相若，共20款選擇，有波堤、法式扭紋、朱古力冬甩、鬆脆冬甩和酵母冬甩系列…，更多詳情……
