酒店賣兩餸飯!8度海逸酒店推$88外賣套餐 豪食酒店級咕嚕肉+牛仔骨+芒果拿破崙|外賣食乜好
廣告
酒店賣兩餸飯喇!8度海逸酒店由即日起平推晚市外賣套餐,只需$88便可平歎酒店級,菜式任選兩款,有咕嚕肉、咖喱雞、牛仔骨、蛋炒飯、芒果拿破崙等,款款出色。加錢還可歎辣肉腸Pizza、海南雞、芝士意粉等美食,屋企都可以食好啲!
撰文:Rice
8度海逸酒店平推晚市外賣套餐!$88歎足4道菜
疫情期間,不少港人均會叫外賣作晚餐回家歎。而位於土瓜灣的8度海逸酒店由即日起推出晚市外賣套餐,套餐包括餐湯、任選兩款熱葷、飯及一款甜品,只需$88便可歎足4道菜,激抵!想食豪一點,更可以優惠價$60加購其他主食,在屋企都能歎到酒店級大餐。另外,鑑於疫情嚴峻,酒店的 “Grab & Go”外賣自助晚餐於即日起暫時停止供應。


酸甜咕嚕肉+黑椒牛仔骨
套餐由每日6pm-10pm開始供應,先來是野菌忌廉湯,Creamy且菇味香濃。其後可從7款主菜中任選2款,有香濃的咖喱雞、酸甜的咕嚕肉、惹味京葱爆牛肉、煎得金黃的香煎龍脷、軟腍入味的紅酒燴牛尾、微辛的黑椒牛仔骨及惹味XO醬西蘭花斑球,款款酒店級味道。食客更可選擇雞蛋炒飯或絲苗白飯,記得留肚歎埋甜品,有酥脆芒果拿破崙或蛋白杏仁茶可選,絕對夠肚。


現時加$60即可加購多款主菜,有三文魚、海南雞、辣肉腸Pizza、壽司、無骨雞翼配炸薯條,歎齊多國菜。

刺身肥美新鮮(圖片來源:8度海逸酒店授權圖片)

海南雞肉滑嫩,雞皮爽滑。(圖片來源:8度海逸酒店授權圖片)
網民點睇?
對於有本地酒店推出兩餸飯套餐,大部分都表示支持,更有網民身體力行去幫趁,卻指酒店因柯打太多,店員遲遲未落單,希望酒店盡早改善。




- 餐廳:8度海逸酒店
- 電話:2126 1960
- 地址:土瓜灣九龍城道199號
- 備註:全新滋味晚市外賣套餐 每日6時至10時供應
- Facebook專頁:Harbour Plaza 8 Degrees 8度海逸酒店
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。
圖片來源:8度海逸酒店授權圖片