【元朗】韓國鐵鏟料理 勁邪惡忌廉×炸雞

元朗古靈精怪食物特別多，連韓國餐廳亦夠玩嘢，這間新店以消防作主題，搶眼的灰紅牆身掛上消防設備，卡位落柯打時消防燈便會亮起。主打首爾流行的鐵鏟料理，鐵板韓國訂造，鋁合金製造耐熱唔易燶，方便客人自己玩煮飯仔。除了Hit 爆的芝士排骨，鐵鏟芝梨炸雞更加搞鬼，以韓國鮮雞去骨脆炸拌白汁，最特別是番薯蓉上加了忌廉，西韓Fusion 之餘玩埋甜品Feel。另推介鐵鏟烤肉鍬紅燒，日本黑豚肉配鮮甜的韓國蔬菜、本菇、年糕及梨等，拌自製香辣醬及自家泡菜，蒟蒻粉盡吸精華，超級惹味！水冷豐梨巴馬火腿選用原個韓國豐梨，煮好後加冰糖風乾雪凍，配巴馬火腿好Refresh！食材用料有誠意，價錢比尖沙咀地區平一半， 要食好快手，日後一定大排長龍！