元朗人氣小食店嘉發小食推新口味！開心果雞蛋仔／阿華田格仔餅

元朗嘉發小食重開！力推新口味：開心果雞蛋仔

元朗「嘉發小食」由兩夫婦經營，於2009開業至今，是不少元朗學生哥放學常去的小食店。不過兩年前小店因不敵租金而結業，消息一出，不少元朗友都表示十分可惜，希望店主早日可以搵到新舖位重新出發。幸好小店捲土重來，於上年再次重開。

小店重開後，當然繼續為大家提供各款創新小食，同時亦不時推出新品，包括開心果雞蛋仔。先將開心果碎放型模具中烤香，再加入特製開心果蛋漿，最後再次加入開心果碎。成品食落充滿堅果香，軟熟的雞蛋仔配合脆口果碎，口感層次豐富！

招牌格仔餅薄脆版／加厚版：阿華田脆脆醬

嘉發的招牌格仔餅同樣受街坊歡迎，分薄脆版及加厚版。加厚版顧名思義，就是重量級的格仔餅，厚度足足有5CM，餡料有花生醬、煉奶、砂糖等基本配料，特別在加大量自家炒香的花生碎，吃落花生香滿滿，餡料塞滿口！

至於薄脆版的格仔餅，厚度比一般格仔餅薄一半，同樣夾著薄薄的牛油砂糖餡，吃上來脆卜卜，口感有趣，不過薄脆版一定要即買即食，否則放久了就會變腍。

近日，店子推出阿華田脆脆醬格仔餅，加入由瑞士進口的酷脆醬，柔滑濃郁的巧克力醬配以豐富麥芽脆脆米，味道濃郁具顆粒感，幾有驚喜。

• 餐廳：嘉發小食
• 地址﹕元朗教育路3–7號富好大廈地下9號舖
• 營業時間：星期一至日9am-8:30pm
• 備注： 11:30am後才發售雞蛋仔及格仔餅，小食賣完會提早關門
• IG：kafat_shop
• Facebook：嘉發小食