|元旦限定|厚切多士配焗豆! 麥當勞最新廚師套餐
廣告
話咁快又就嚟要同2015講byebye啦！麥當勞喺2016年1月1號（即係過兩日），又有新「花臣」，推出限定一日嘅All day breakfast（全日早餐），啱哂每逢12月31號例牌約埋班「老死」出去倒數嘅記者。點解咁講？事關呢個All day breakfast喺1月1日凌晨12點就開始供應至1月2號凌晨3：59分，真係倒數後成班人食住早餐度通宵又得，或者前一晚玩通宵訓到晏一晏先出去食都得，唔駛擔心會miss咗平日朝早11點後就無嘅早餐時段，爽！仲有新嘅早晨套餐餐牌喎～而家嚟睇定1月1號有咩早晨套餐會全日供應先：
全新廚師套餐
呢個套餐係最新推出，內裡有兩片烘火腿、薯餅、炒蛋，仲有半件厚多士加牛油，以及兩匙羹就食晒的茄汁豆。雖然無乜驚喜，但勝在又提供多個選擇畀人換吓口味，唔駛吓吓淨食漢堡包。而另一亮點係紫米豆漿，據聞紫米可有助補血保健，啱哂前一晚玩通宵後飲！（注：在1月2日後，廚師套餐將繼續供應，時間為上午4時到上午11時）
另外兩個全日供應早餐為「精選早晨套餐」同「珍寶套餐」。
相信唔駛多介紹，大家都已經熟哂呢兩個餐有咩食。漢堡豬柳、炒蛋、果醬鬆餅加薯餅，可謂經典中嘅經典，小編食足十年都有份情意結。一份精選早晨套餐唔夠食？咁又唔駛嗌夠兩個嘅！嗌個珍寶套餐，多兩塊熱香餅，就應該啱啱好啦！
今期麥當勞同史諾比合作，元旦佳節梗係有搞作！1月1號早上11點起，凡購買全日早晨套餐，便可加＄20換購元旦版閃閃Snoopy。每間店只限定100隻㗎咋！Snoopy迷記住準時去換購啦～
報告報告！元旦版Snoopy兵團已經準備好喺1月1號早上11點進駐麥當勞，買全日早餐加$20就有，每間分店限量100隻！Are you ready？
Posted by McDonald’s on Tuesday, 29 December 2015
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
