【自助餐我要！】尖沙咀 1.5小時任食韓式炸雞！青檸牛油果+蛋黃醬芝士+黑蒜口味！送飲品｜尖沙咀炸雞
記者：Joan 圖片：官方圖片
1.5小時任食韓式炸雞！星期一限定！
炸雞放題可任食3款炸雞，每款原價要$138，每人食約兩碟即可回本！不過留意，炸雞放題只於星期一供應，不過全日無分時段都可以去任吃1.5小時，穩陣點的最好打電話去預約，炸雞Fans不要錯過！
放題供應的有青檸牛油果麻藥 (韓文中「麻藥」有「上癮」的意思）、蛋黃醬芝士和黑蒜炸雞。最受歡迎的青檸牛油果炸雞，炸雞上淋上用牛油果、青檸汁打成的漿，綿滑得來帶微酸，食落不會太膩。熱愛芝士的可選「芝香・雞」，炸雞上有蛋黃醬、芝士、牛油果蓉、番茄蓉和酸忌廉的芝士醬，啖啖充滿芝士鹹香味！而黑蒜・雞的醬汁是用竹碳粉、黑蒜造成的黑色沙律醬，面頭有洋葱絲和炸蒜，吃得滿口蒜香。
炸雞上淋上牛油果、青檸汁打成的漿，再灑上青檸乾、麻藥芝士粉和開心果碎，香滑牛油果味帶點微酸，而且好有咬口。
包一杯飲品 ＋$88可任飲燒酒＋果茶
炸雞放題包一杯飲品，可選汽水、咖啡、果汁或茶等，另外每位加$88可任飲多款酒精飲品和特飲，有燒酒、啤酒、紅白酒、馬格利酒和果茶等。
The Joomak
地址：尖沙咀廣東道17號海港城海運大廈3樓LCX 34號舖（顯示地圖）
電話：2111 0851
營業時間：12nn-11pm(10：30pm last order)
任食炸雞優惠只限星期一，暫定供應至11月30日。
收費及時間：$168/位、任食1.5小時
備註：另收加一，同枱必須享用相同優惠組合，建議預先訂位。
延伸閱讀：
【自助餐我要！】75折！尖沙咀酒店生蠔自助餐！喪食3.5小時！任食3款即開生蠔+鮮甜蟹腳+Mövenpick雪糕｜尖沙咀自助餐
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
