|今期必吃零食|韓國醬料配美食~必買！
一. 韓菜餐廳出醬料（推！）
餐廳韓食家最近踩過界推出快煮韓國醬料，有炒年糕用的韓國辣醬、韓式拌飯醬及醃肉用的韓風醬油。全部由韓國直送，其中韓風醬油甜甜地，有少許生薑味，用來煮韓式炒粉絲就最正。韓式拌飯醬甜中帶辣，撈飯食好刺激。
售賣點：全線韓食家、Kim’s Spoon、梨花園Express有售
電話: 2359 0088
二. 混種爽口番茄
由幾種傳統番茄混種而成的綠斑馬番茄， 外表有一條條的斑馬紋； 頗墜手，切開也很厚肉，番茄肉質偏爽口，好似食緊蘋果咁；味道比一般番茄酸，夠醒胃，仲帶少少煙燻味，好得意。不過近皮位置就有苦味，去皮食好啲。
售賣點：全線city’super
電話: 2736 3866
三. 5味食蛋專用鹽
食蛋都有專用的鹽！？ 5款味包括櫻花味、抹茶味、醬油味、蛋黃醬味和柚子味。當中以抹茶味最香，而蛋黃醬味最有驚喜，酸甜味配雞蛋最夾。每樽鹽只半隻食指咁大，帶在身邊去茶記食炒滑蛋用夠晒方便。
售賣點：樂駝柒
地址： 觀塘開源道60號駱駝漆大廈3期1樓N室（顯示地圖）
電話: 3689 6439
四. 蜂蜜草莓味新作
蜂蜜牛油熱潮減退，但大韓民國又豈會輕易收手？這款牌子早前出牛油味蜂蜜脆片賣到斷市，今次再於ig Shop發現最新蜂蜜草莓味。食落香脆，士多啤梨味好真，唔藥水，反而有少少似乳酪。襯埋粉紅色包裝， 韓妹味出晒嚟，Office 必備。
售賣點：ig Shop: d_and_k_mall
電話：6026 8951
五. 持久重口味黑蒜汁
黑蒜夠健康人人都知，這黑蒜汁一開即飲， 聞落已經有好強勁的蒜味， 飲落去立即有陣黑蒜味擴散入喉，後勁有少少酸味湧出，味道停留良久都不散。有同事試飲後即刻要潄口，亦有同事好鍾意。
售賣點：松坂庫（銅鑼灣店）
地址：銅鑼灣軒尼詩道396-416號1-2號地舖（顯示地圖）
電話：2882 0877
六. 畢彼特玫瑰紅酒
Brad Pitt 的法國莊園所釀的玫瑰酒喺香港有得賣喇！淡淡的粉紅色夠典雅， 聞落清香， 酒味不濃， 容易入口，啱女仔口味。雖然味道跟一般Rose冇咩分別，不過係Brad Pitt 喎！點都要試下！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
