【出街搵食】元朗金黃BB鴿 日賣120隻！即叫即炸 $42脆皮肉嫰 |元朗小店|
廣告
近來一間元朗小店主打乳鴿，人氣鼎盛，每日賣120多隻乳鴿，剛開門1小時已沽清。乳鴿隻隻即叫即炸，皮脆肉嫩，配上雞腳熬製的綿綿嫩滑雞粥，夠滿足！
廚藝老師主理受街坊名廚歡迎
小店開業不久，已深受街坊歡迎，有不少回頭客，老闆Michael本身於廚藝學校任教，一直想開小店，店舖開張後有不少名廚朋友來幫襯，試過後也大讚好食。
親自挑選 肉嫩BB鴿
乳鴿選用5至6兩的BB鴿，肉嫩少羶味，來貨也較貴。工序一絲不苟做到足，最麻煩要把乳鴿內臟挑淨，務求乾淨得來又不損壞乳鴿的肉身，Michael絕不假手於人，剛開業時最長挑足6小時，試過凌晨3、4時才收工，第二日11am又要提早到店子準備。
滷水入味即叫即炸
乳鴿挑淨、滷過再過熱水後上皮，皮水調味試足2個星期，試到喉嚨痛，才找到合心水口味。乳鴿又要風乾3小時，外層才會夠香脆。更加要即叫即炸，皮脆肉嫩又多汁，教我如何不愛牠！
雞肉嫩滑 綿綿粥底
乳鴿以外，不忘試試店裡其他菜式。當中尤推生滾雞粥，用上腐皮、雞腳、珍珠米做粥底，膠質重不易化，雞肉每天新鮮來貨，即叫即滾，肉質嫩滑零雪味。
高哥一Cook
地址：元朗鳳攸南街9號好順利大廈1座地下1C&D號舖（顯示地圖）
電話：從缺
營業時間：星期一至日5:30pm-11:30pm
延伸閱讀：【出街搵食】生米煮熟！潮州砂鍋海鮮粥 汕尾菜茶+炒米粉 |觀塘中菜|
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
