中秋盆菜推介2024｜酒店/連鎖餐廳/小店盆菜推薦＋早鳥優惠
中秋盆菜推介2024｜1.明閣鮑魚一品煲盆菜套餐
康得思酒店米芝蓮一星食府明閣今年推出「樂」團聚盆菜套餐，套餐包括有明閣鮑魚一品煲（4位用），盆菜有齊原隻6頭鮑魚、花膠、蠔豉、瑤柱、海參、大蝦、花菇、燒腩仔等，更有半隻秘製貴妃雞、至尊蜜汁叉燒禮盒（350克），非常豐富，一次過品嘗到各款米芝蓮精緻美食。
中秋盆菜推介2024｜2.皇家太平洋酒店極品八頭鮑魚盆菜
皇家太平洋酒店今年推出極品中秋盆菜，分4位、5位、6位、7位及8位用，均由中菜總廚高志君師傅主理，盆菜主要材料包括八頭鮑魚、花膠、花菇、豉油皇虎蝦、燒肉、南乳豬手、白切雞，賣相得體，加上師傅秘製的鮑汁，經慢火烹調令配料吸盡精華味道。盆菜可選擇在酒店堤岸酒吧及餐廳堂食或外賣享用，最少兩日前訂購。4位用原價$1,298，現優惠價只須$1,000，適合任何形式的慶祝聚會享用。
中秋盆菜推介2024｜3.銅鑼灣利景酒店15品豐盛盆菜
銅鑼灣利景酒店中菜館「陳家廚房」今年推出十五品豐盛盆菜，嚴選15款矜貴食材炮製而成，焦點包括「蠔皇六頭鮑」，選用優質上等鮑魚，再配上秘製醬汁，鮑魚爽彈入味；「高湯燴原隻花膠筒」花膠含有豐富骨膠原，以高湯燴花膠，爽滑滋補；「原粒大元貝」選用頂級大元貝入饌，香濃鮮甜，口感豐富。除了以上3款矜貴食材，還有乾煎大蝦、紅炆大花菇、瑤柱貴妃雞、明爐燒鴨、發財豬手、爽脆魷魚、香滑豬皮、五香芋頭等15款配料，食材經長時間用鮑汁燜煮後，香濃入味，香氣四溢。堂食盆菜另外還會跟配百寶千頁豆腐、清蒸海清斑、冰鎮芥蘭、紅豆沙湯圓或芝麻湯圓，整頓飯更加豐富豪華！
中秋盆菜推介2024｜4.萬豪金殿中秋外賣盆菜
JW萬豪酒店中菜廳「萬豪金殿」今年中秋推出豪華矜貴的外賣盆菜，外賣盆菜以原個鑄鐵鍋盛載，嚴選18款上乘食材，包括澳洲海參、三十三頭南非吉品鮑魚、髮菜、鵝掌、花菇、瑤柱甫、茶燻平原雞、燒鵝、蝦籽六頭虎蝦球、髮菜鯪魚鮮腐竹扎、豬碲筋、竹笙、魚肚、柚皮、白蘿蔔、素千層、津膽及百花釀羊肚菌。於盆菜中加入自家熬製的鮑魚汁一起享用，香氣撲鼻，味道濃郁。
中秋盆菜推介2024｜5.大快活中秋盆菜6人用低至$509
今個中秋大快活加入上乘矜貴食材製作盆菜，於大快活APP選購，更可享會員優惠價$509（原價$559）訂購6人用中秋盆菜。盆菜除了原隻鮑魚、灼蝦、紅燒肉、豬蹄、福袋、冬菇、釀豆卜、豬皮、腐皮魚肉卷、芋頭、枝竹、炸魚蛋、蘿蔔等豐富食材，更加入百花釀羊肚菌、陳皮魚肉腐皮卷。除此之外，也可以優惠價加配美食，特別推介今年新增的香脆可口芝麻蝦多士、肉質鮮嫩的梅子鴨和清甜鮮美的海皇豆花羹。
中秋盆菜推介2024｜6.大家樂瑤柱福袋盆菜10-12人用低至$638
大家樂今年中秋推出兩款盆菜，分別是瑤柱褔袋燒味大盆菜（10-12位用）和褔袋燒味盆菜（6位用）。瑤柱褔袋燒味大盆菜份量足料，焦點包括味道鮮甜的北海道宗谷瑤柱、黃金福袋、茄汁中蝦、蠔豉、白切雞、燒鴨、花菇等19款用料，適合家庭聚會享用。現凡於網上預訂並用PayMe訂購中秋盆菜食品滿$500（折實價計算）可享9折優惠！另外，登記做大家樂Club100會員的話，消費滿$800或以上仲送大家樂$50優惠券！
中秋盆菜推介2024｜7.素年中秋純素盆菜無蛋奶＋五辛
人氣素食餐廳「素年」今年推出純素盆菜，提供4人（$888）、6-8人（$1,188）、10-12人份量（$1,388），無蛋奶及五辛，材料包括素鮑魚、素海參、素翅、髮菜、牛肝菌、野生竹笙、白靈菇、素貢丸、冬菇、銀杏、秋葵、杞子、新鮮淮山、蘑菇、蓮藕、麵筋、冬荀、唐芹、旺菜、芋頭、蘿蔔，賣相吸引，非常適合素食朋友享用。
中秋盆菜推介2024｜8.黑木亭居酒屋A5和牛壽喜燒盆菜
尖沙咀人氣日式餐廳「黑木亭居酒屋」推出超豪華版日式鴛鴦鍋盆菜，低至6折優惠！盆菜分6人用及10人用，海鮮及食材均由日本直送到港，保證新鮮。盆菜是鴛鴦鍋，一邊是炆鍋、一邊是壽喜燒鍋，一次過食齊兩種口味！炆鍋那邊可選濃汁或麻新汁炆豬手，另有磯煮鮑魚、冬菇、甘筍粒、蘿蔔；壽喜燒鍋則以日本A5和牛做主角，嚴選宮崎產地和牛(約250g)，搭配多款矜貴食材，包括日本帆立貝、廣島蠔、虎蝦、豬軟骨、福袋 、竹輪、小童板魚塊等。除此之外，如果覺得A5和牛太膩，可選波士頓龍蝦，大隻爽滑，價錢同價。日式盆菜豐富足料，仲可以一次過食齊兩種風味！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
