中環懷舊機舖小食店操場小食部近大館！即炸巨型雞髀＋椒鹽燒賣｜區區搵食

Aug 13 2019

廣告

中環近大館附近，有間機舖小食店「操場小食部」，小食方面絕不能錯過即炸雞髀，門外更有部巨型GameBoy，只要消費滿指定金額，即可向舖頭租借Joystick打機，懷舊遊戲多達百款任你玩！

撰文：素岐｜圖片：Fion

中環懷舊機舖小食店操場小食部

中環有間以懷舊機舖為主題的小食店，門外有部巨型GameBoy，店舖裝潢以食鬼、霓虹燈等元素為設計靈感，只要消費滿$50元，即可向舖頭租借Joystick打機，懷舊遊戲多達百款任你玩。店舖還供應掃街必食的街頭小食，當中包括即炸雞髀、炸燒賣、魚蛋、腸粉、撈麵等，一邊掃街一邊打機，童年回憶返晒嚟！

只要消費滿元，即可借用Joystick打機。 — 只要消費滿$50元，即可借用Joystick打機。

超認真打機的記者玩後感：坐定定打機，完全旁若無人，夠晒過癮。

泡泡龍、街霸、食鬼、貪食蛇等懷舊遊戲都有齊，記者玩到機不離手。

即炸巨型雞髀＋椒鹽燒賣

生炸雞髀，外皮卜卜脆，內裡多汁，玫瑰露味突出。

操場小食部門外有部巨型GameBoy，店舖裝潢以食鬼、霓虹燈等元素為設計靈感。

操場小食部

地址：中環荷里活道23號金珀苑地舖（顯示地圖）
電話：6089 5046
營業時間：星期日至三11am-12mn、星期四至六11am-4am
FB專頁：Cao Chang Snack Bar 操場小食部

香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

中環中環食乜好區區搵食大館