【必食上海菜】上海小南國 巧手精品特色滬菜
廣告
上海小南國由30年前一間上海小店，傳承咗老上海傳統烹調功架，而總廚沿用返地道特色食材同原材料，再注入多重創新驚喜配搭，演繹成高品質嘅滬菜佳餚。經典必吃有極有層次感嘅外婆紅燒肉、矜貴考功夫嘅生拆蟹粉豆腐、充滿家鄉風味嘅石鍋雞湯燴手工蛋餃，特色松子魚及瑤柱賽螃蟹同樣不能錯過，每道菜落足心機製作，極高水準。
創意金黃卜卜蟹皇泡飯＋蟹粉鍋巴
上海菜用蟹來做主食材的心思夠晒層出不窮，小南國總廚於今個4月，帶來2款用蟹做主題的特色創意滬菜，不惜用繁複工序拆出極吸引蟹膏同蟹肉，製成蟹皇並加入海蝦熬成湯底，製成卜卜蟹皇泡飯。另外喜歡香脆口感的，就一定要試試呢款生拆蟹粉鍋巴，即叫即製嘅鍋巴夠爽脆，同甘香滑溜蟹粉一齊入口，交替出雙重口感。
用蝦同蟹熬成海鮮湯底，再將炒飯粒用高溫油炸得更香更脆，一併入口時，卜卜脆嘅飯粒，同濃郁湯底二合為一，好有層次。
極考師傅心機之作，先拆出蟹黃、蟹肉同蟹黃油再加入自家秘方炒成蟹粉，加上香脆爽口嘅鍋巴上面，令人回味無窮。
傳統家常上海菜，用上等五花豬肉，經過多重炆煮及過冰水工序，及地道上海醬油炆至完全入味，每層燒肉比較分明，嫩而不油膩。
上海菜必食item，魚肉外脆內滑，配合松子仁製成糖醋汁，酸酸甜甜夠開胃。
經典上海菜，蛋白吸盡瑤柱嘅鮮味，口感嫩滑，送飯一流。
上海甜品一向出眾，上海桂花蜜拉糕、棗泥糕同黑洋酥芝麻球全部由師傅精製，各有特色。
餐廳資料
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
