一田旺角MOKO 1萬8千呎店重開！11間食店！鐵板燒＋15cm北海道蟹肉卷＋首間榴槤甜品店
廣告
去年7月尾，一田旺角MOKO店宣布進行搬遷，闊別半年後，將於星期日（1月20日）在商場5樓重開！佔地比以往大55%，帶來11間話題食店，即帶大家睇下有乜好推介。
撰文：素岐｜圖片：Woody
一田旺角MOKO店重開！1萬8千呎新食場！
原本位於MOKO 3樓的一田，佔地12,227呎，搬遷後落戶5樓，佔地近18,995呎，比原先大55%。到底有乜唔同？今次的變動與一田沙田相同，結合了超市和食肆，帶來11間人氣話題食店。
1. 日式鐵板燒！開業首月自選靚肉即場燒！
先有首度登陸一田的日式鐵板燒，選用頂級和牛及其他高級食材，製作最原汁原味的鐵板燒，當中近江牛鐵板燒，霜降油花，甘香不膩。開業首一個月更會有自選靚肉燒肉服務，顧客自己挑選靚肉，再即場燒製。
2. 日本築地炸魚餅
來自日本築地，以揚物炸魚餅聞名的魚河岸，開店限定推出重量達400g、直徑達20cm的巨型炸魚餅烏冬，一齊來挑戰自己的食量吧！
3.日本直送！15cm北海道蟹肉卷
日本直送海鮮製作壽司及刺身的魚兵衛，開店期間推出15cm北海道蟹肉卷，蟹肉香甜可口。
4.西班牙伊比利亞黑毛豬
主打西班牙伊比利亞黑毛豬的PATA NEGRA House ，選用手工切片火腿，肉味份外鹹香，而且油份豐富。
5. 食蠔吧！
6. 榴槤控注意！首間榴槤甜品店
以馬來西亞榴槤與日本烘焙材料結合的甜品店，選用馬來西亞A級貓山王榴槤及日本北海道牛奶，以全手工製成多款榴槤味蛋糕、瑞士卷及芝士撻等甜品，榴槤迷記得要試。
場內還有提供以Superfoods蔬果製成鮮榨冷壓果汁、泰式芒果糯米飯、熊本縣紅草莓醬製成熊紅牛角等。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
