獨食無有怕 ! 一人前創新 帽子火鍋 @DINING娜

text: DINING娜

踏入初秋，又係時候歎返個熱辣辣火鍋。不過傳統火鍋往往要一大班朋友分享先可以成行，小貓三幾隻或朋友們各有口味時，一人前火鍋就絕對適合解決火鍋癮！近日俾我發現米線陣推出咗「香辣二重奏」火鍋系列，其中肥牛 帽子火鍋 ，外型有新意，食落仲好有內涵，唔係得個樣！

足本肥牛 帽子火鍋 $68

帽子火鍋 外型似一頂倒轉嘅草帽，湯底放係中間嘅小鍋，10幾款配料就放爐邊，一眼睇哂！配料多多滿足花心人士，即使一人獨享亦可以食得好豐富！個人就推介口味豐富、刺激又暖胃嘅麻辣湯底，由上等青花椒、胡椒及辣椒乾等多種辛辣香料熬製而成，麻辣味鮮明突出，最適合秋冬時份進食。咪以為一人份量 帽子火鍋 就會求其，其實湯底都足足有3款選擇：麻辣湯、農場番茄湯及香菜濃湯。

DIY黑椒肥牛石鍋燒 ＄58

中意香濃口味嘅，不妨試下另一特色火鍋 － DIY黑椒肥牛石鍋燒！以獨特配方調製而成嘅秘製香辣黑椒醬汁，配上等美國肥牛同彈牙烏冬，簡直perfect池！肥牛係明火高溫煮製下，仍然keep 住鮮嫩juicy，好惹味！除了烏冬，仲可以選配港式即食麵。
最好玩莫過於石鍋燒套餐仲包埋五香肉丁、香甜粟米、混合芝士3款配餸，你可以邊食邊加，親自煮出獨一無二嘅口味。我就建議食之前先加入五香肉丁同香甜粟米，拌勻肥牛、麵食同黑椒醬汁，試下原汁原味嘅肥牛石鍋燒。食到淨番1/3就加埋芝士係鍋中攪拌，半溶芝士令口感更幼滑，芝心粉必愛！

兩款火鍋套餐仲會包一杯特色飲品。我就試咗佢地全新推出嘅肉桂蘋果蜜（左) ，充滿肉桂香味又唔太甜，可以中和一下火鍋嘅辣味！另一款窩心推介就係圓肉紅棗蜜（右），係女仔都知圓肉、紅棗可以補血氣，而且養胃健脾，最啱女仔飲！
火鍋產品係米線陣全線分店晚市供應，不過青衣城分店暫時未有供應㗎！
米線陣各區分店：
青衣 2495 6603
樂富 2760 7817
將軍澳中心 2420 3139
將軍澳新都城中心 2404 5775
天水圍 2141 0196
屯門 2493 8011
網址: https://www.facebook.com/MiXianSense