【有「營」秘訣】營養師教路6款食養料理輕鬆食出有營體態！

Feb 21 2023

新一年唔好再用太忙碌作為忽略自己健康嘅藉口喇！立刻睇下營養師Kathy同大家分享嘅有營料理同飲食貼士，當中好多料理都用咗Superfood做食材，好味又營養豐富！即刻坐言起行，為自己同屋企人嘅健康著想，好好改善飲食習慣啦～溫馨小提示：好多超強性價比嘅食材可以喺優品360°買到晒㗎！

精神滿滿早餐之選

正所謂「一日之計在於晨」，醫飽肚仔去展開新一日，心情自然特別好，做嘢都寧舍醒神！

1.葵花籽黑麥麵包

每日都為食咩早餐而感到苦惱，一於做個可以應付幾日嘅早餐份量，啱晒又懶又想「營」嘅大家！將黑麥粉、高筋粉、水、酵母、蜜糖、食用油等材料攪拌均勻，再加入葵花籽仁搓勻發酵，焗之前於麵包表面再沾上葵花籽仁就大功告成！葵花籽仁含不飽和脂肪酸、葉酸、維生素B及E等營養成分，夾埋有養生美顏、抗菌消炎及促進消化等功效嘅槐花蜂蜜，仲唔係perfect match！食唔晒嘅仲可以將整好嘅麵包雪入冰櫃，擺多幾日都唔係問題！

1/Familie 有機葵花籽仁 350克 $20 （原價：$48）

Kathy小貼士：「每100克葵花籽仁含28.5克蛋白質及7.5克膳食纖維，食法多樣，除咗可作麵包材料，亦可添加入沙律及乳酪中豐富口感。」

2/Familie槐花蜂蜜 454克 $35 （原價：$68）

Kathy小貼士：「槐花蜜採自槐花，槐花功效涼血止血，清肝瀉火適合體質偏燥熱人士。」

2.黑芝麻豆漿/燕麥奶

食麵包食到口寡寡？整返杯好味又有營養嘅飲品就絕配喇！除咗牛奶之外，大家不妨試下豆漿、豆乳同燕麥奶等植物奶，不含乳糖，素食者同乳糖不耐症嘅人都飲到！想加啲新意，仲可以加埋含膳食纖維及蛋白質嘅黑芝麻粉，飽肚又好味！

1/大排檔無蔗糖添加即沖豆漿160克 $29/2件 (原價：$19)

2/丸山豆乳1000毫升 (各款) $29/2件 (原價：$28.9)

3/OATLY咖啡師/ 原味燕麥飲品 1公升 $40/2件 (原價：$32-42)

4/Familie 天然養生黑芝麻粉 $44/2件 (原價：$28)

Kathy小貼士：「天然黑芝麻粉粉末幼細，用嚟整黑芝麻燒麻糬或黑芝麻麻醬麵都好啱味。」

飽肚有營午餐/晚餐推介

午餐食乜好？晚餐又煮咩好？你會揀高油高脂嘅碟頭飯定健康有營嘅藜麥飯？不如試下以超級食物藜麥代替白飯為主食，唔單止升糖指數（GI）比較低，蛋白質更比一般白米高出約2倍，同時含有膳食纖維，能幫助消化及紓緩便秘！

3.三文魚牛油果藜麥沙律

先將藜麥放入水中浸10分鐘，再加入同等份量嘅水放入電飯煲煮大約15分鐘；將三文魚用少量黑椒及鹽調味並用焗爐焗熟；再配搭牛油果及沙律，佐以黑椒、鹽和檸檬汁調味即成，賣相吸引又飽腹感滿分！

Familie有機三色藜麥 500克 $28 （原價：$58）

Kathy小貼士：「三色藜麥係由白、紅、黑藜麥紅成，白藜麥口感柔軟，紅藜麥口感爽脆，黑藜麥口感為有嚼勁。藜麥更係無麩質食物，麩質敏感人亦可食用。」

4.南瓜濃湯

選用口感較黏及味道甘甜嘅日本南瓜，切粒隔水蒸20分鐘。之後用牛油爆香洋蔥，再加入蒸熟嘅南瓜、雞湯及牛奶翻炒煮滾，最後用手提攪拌機將湯打成幼滑狀態，加上南瓜籽及少量鮮忌廉於湯面，香甜濃郁嘅南瓜湯就完成喇！新鮮既南瓜肉加上南瓜籽，今次仲唔營上加營！

Familie有機生南瓜籽仁 350克 $30 （原價：$58）

Kathy小貼士：「南瓜籽仁含蛋白質、健康脂肪及膳食纖維，除咗可以用嚟入饌，仲係日常健康零食理想選擇。」

輕盈下午茶提案

又到「三點三」下午茶時間，相信唔少人都會立刻諗到邪惡嘅菠蘿油或者英式鬆餅～唔想一下子咁重負擔，不如揀返啲輕盈小食啦！

5.奇亞籽燕麥乳酪杯

先將奇亞籽、原片燕麥同杏仁奶倒入靚靚甜品杯中混合好，放入雪櫃雪過夜，等奇亞籽同燕麥都充分發大，食之前再喺表面鋪上一層希臘乳酪同自己鍾意食嘅當造生果，例如：紅桑子、士多啤梨、藍莓等，無甜不歡嘅你仲可以淋少少蜂蜜喺表面點綴下，賣相咁靚，未食都知味道滿分啦！咁IGable，仲唔即刻整返杯呃Like ！溫馨小提示：奇亞籽遇水膨脹，具飽足感；高膳食纖維可促進排便功能，排清宿便，個人仲唔即刻輕晒！

Kalbarri 有機奇亞籽 500克 $39 (原價：$65)

Kathy小貼士：「有機奇亞籽嘅高膳食纖維可促進大腸蠕動，有助排走宿便，係理想嘅減重代餐。」

6.蜜糖蘋果醋

想食得再Light 啲，減輕腸胃負擔？不如飲返杯解膩消滯嘅蜜糖蘋果醋！喺杯中放入適量蘋果醋同蜂蜜，用暖水稀釋到個人喜歡嘅程度即可飲用。想飲得爽啲，不妨用冰凍嘅梳打水代替暖水製作成特飲，加兩片蘋果同薄荷葉裝飾下，一杯賞心悅目嘅Mocktail就完成喇。建議啱啱開始嘅時候最好淡口味啲，等腸胃適應咗之後再慢慢增加濃度，不過容易胃痛嘅朋友就唔好空腹飲，以免刺激腸胃。

1/Bragg 有機蘋果醋 946毫升 $49/2件 (原價$35)

Kathy 小貼士：「有機蘋果醋含多元維他命、礦物質等營養，可輔助瘦身減肥」

2/NovaFarms 澳洲麥蘆卡蜂蜜方便裝 MGO30+ 360克 $45 (原價：$75）

Kathy 小貼士：「澳洲麥蘆卡蜂蜜有助改善消化系統及腸道健康，幫助傷口癒合，緩解胃部不適。」

6款嘅食養料理好味又有營，一於由依家開始就著手改善你嘅飲食習慣，循序漸進咁喺日常餐單中加入有營食材，咁就離「健康」目標又近一步喇！咁多健康食材，唔知點揀好？跟住人氣營養師Kathy 教路，做個識得揀，識得食嘅有營人士，嚟優品360°入手晒一系列有營食材，試吓整自己嘅專屬健康食譜喇！聽講依家仲做緊優惠，身為精明消費者嘅你識點揀喇！