【新年唔好失禮】4個你不知道的揀酒禁忌

農曆新年又到！又係一年一度同姨媽姑姐、親朋好友見面，再食大餐嘅日子。節日少不免開返一兩支葡萄酒助慶，但「唔怕飲錯酒，最怕飲壞酒」，其實葡萄酒唔同普通飲品，一不留神，隨時買到變質酒。唔想中伏，成班親戚陪你飲「壞酒」？即睇以下4個揀酒禁忌。

一. 被陽光照到嘅酒？唔好買！

如果去店舖買酒，見到酒架位置長期被陽光曬住，記得千祈唔好買！因為葡萄酒怕曬，長期被陽光照射會影響酒嘅味道同品質。

避免陽光直射，對葡萄酒儲存好重要

二. 室內溫度過高？唔好買！

高溫係葡萄酒嘅頭號「敵人」，如果葡萄酒長期放喺溫度高於70°F（即21°c）嘅環境，會加速老化，甚至令酒好似煮過一樣，香氣同味道都會變淡。所以如果店舖室溫太高，又或者無24小時恆溫，最好唔好幫襯！

香港大部分時間嘅室溫已經唔適合儲存葡萄酒，所以專業酒窖都有嚴格溫度監控

三. 舖頭有怪味？唔好買！

唔好以為支酒用酒塞密封，就完全唔使理周圍環境，因為葡萄酒會通過瓶塞吸收外界味道，所以當你買酒果陣，如果成間舖都充滿異味，最好去第二間買！

保持通風令存酒環境清新無異味，保存葡萄酒原有味道

四. 被震動搖晃過嘅酒？唔好買！

雖然肉眼睇唔出，不過震動會影響葡萄酒品質。強烈震動多數喺運送葡萄酒嘅過程發生，要確保買到靚酒，與其撞彩，不如考慮市面上一啲專業嘅葡萄酒專門店，葡萄酒由酒莊到店舖嘅運送過程都有嚴格監控，品質絕對有保證。

葡萄酒長途跋涉，由世界各地到香港，運送過程必須要有嚴格監控

其實葡萄酒好敏感，運送過程會影響到佢嘅品質。最近網上有短片將紅酒比喻成高貴嘅女士，睇完你就明到底運送過程有幾重要。