麵包店疑浪費食物亂丟麵包！港女咒「無命過新年」 網民反而支持店家

港女斥麵包店浪費食物 怒斥「無命過新年」

不久前，一位名為網民在Facebook群組「食物放提 Free Food Flow」分享了數張照片，照片顯示在打烊後的麵包店內，一大袋未售出的麵包被放在地板上，不清楚是要丟棄還是有其他用途。其中2張照片還拍下了店面和招牌，店面屬於A1 Bakery Group旗下的麵包品牌「天然工房Natural Bakery」。貼文簡短地寫道「人在做，天在看，無命過新年」，指責麵包店寧願丟棄麵包也不願意派發給有需要的人或進行食材回收，對他們的食物浪費行為感到憤怒。

支持店家網民：出咗事邊個負責

貼民一出即引來大量網民關注，有網民同意「點解咁浪費食物」，但也有網民同時指出不少餐飲業都是這樣做，因為要「確保自己利益，怕你等佢掉，都唔會俾錢買吖嘛，捐出去又怕麻煩，又怕食咗肚痛要負責任」，並指出當年就市民私下執走店舖賣剩的食物而食物中毒，然後控告食店令食店無故要作出金錢賠償，因此現時大部份食店也會自行掉棄賣剩的食材，甚至有些麵包店「收鋪前都有指引要掉哂啲包加噴漂白水」，防止有人撿來吃。

另外，也有人指出這也是因為消費者風氣，「消費者永遠都想店舖賣嘅野新鮮平靚正齊快多，為咗得到最多嘅客人，商家咪過度生產」，認為員工這種行為雖然浪費，但也體諒他們只是按照公司指引做事。

網民稱單憑圖片難以定斷：check清楚先公審

也有網民指，樓主只是看到店員把麵包裝好，但並沒有看到店員把麵包掉到垃圾筒，認為「其實未必係掉….pack得咁好可能有人收走，check清楚先公審」、也有網民指「其實如果掉，我諗佢地會入黑色垃圾袋免得比人路過猜測掛？睇個膠袋啲料幾靚又厚，唔似用來掉垃圾房」，認為樓主如何有疑惑應該先向公司查詢，而不應該未問清楚就這樣咒罵人。樓主留言反擊指店舖的確是有意浪費食物：「我睇住佢地係收工前2小時仲去製作一批食物上架之後2小時後下架」，認為「唔做咁多賣完再做」才是正確做法，即有網民指「嘩，咁啲麵包咪好新鮮好好食」，笑言樓主是幫麵包店「曲線宣傳」。

樓主不收貨 自稱「智商190係介定資優」

儘管不少網民已留言解釋店家的行為，但樓主似乎不收貨，繼續咬位麵包店不放，更聲稱自己「智商190係介定資優」而向其他網民開戰。樓主稱「我本身就是做食物回收，所以反應比較大」，更指自己「目前已經係全港最大既一個食物回收機構工作」，麵包店的行為會影響她的公司，因此出文公審。

更指「我同時有負責辦理食品牌照公司，我有權要求食環釘佢牌，下次續牌跟足法例一個灰色位都唔比佢」，又誇言「深水埗區已經有幾間公司比我通知放食物係地下之後收咗皮」，網民挑機「咁你咪做囉，使乜上網公審仲要咒人過唔到年」，樓主即回應「我初部(步)先另佢停14日工留食環法(發)落」，看來樓主有認真對待事件，網民也繼續持觀望狀態，留言「記住搞到a1執笠呀，如果佢真係執笠，我認做你契爺」，大家對這件事又有什麼看法？

原文截圖：

資料來源：食物放提 Free Food Flow