麥當勞薯條 經常裝唔滿？網民分享經歷 前員工：1個方法即裝滿｜飲食熱話

麥當勞薯條被網民關注 「薯條盒只裝7成滿」

「麥當勞關注組（香港）」FB 最近高度關注「減量薯條」事件，食客分享經歷，指麥當勞大薯條份量少，實際只有中薯條的份量。據所分享的照片，雖然食客購買大薯條，但薯條份量似乎未有跟隨薯條盒升級，目測大薯條盒只裝得七成滿，薯條盒背有大片白卡紙外露。薯條份量無故被尅扣，網民質疑「買左個加大嘅盒咋，無增量薯條。」

薯條唔足秤 在乎員工鏟薯條手勢？

不少網民分享類似經驗，「我試過好多次得七成份量」、「算啦，有一次得你呢度一半」、「完全係揾笨，依家麥當勞都唔會俾返足」。有網民質疑為要盈利去到盡，所以扣減薯條份量，也有認為是個別店長下達命令，亦有網民歸咎前線員工「hea 做」，「大公司根本唔志在，只係低（底）層員工會不滿，要佢做多次（把薯條裝滿）或要認錯」。麥當勞未有標明大中小薯條的重量，所以難以考究有否「呃秤」，網民認為如果能列明重量會更「均真」。

麥當勞前員工透露 薯條點食法先最抵！

對於薯條份量「縮水」，網民分享只要向員工反映，通常都獲追加回應有份量，亦有自稱前員工的網民教路，從前在麥當勞工作時，有準則規定薯條要高過（薯條盒）頂，他指曾試過與店經理為薯條份量理論，此語一出，店經理即時加滿薯條盒。

「麥當勞增值食法」已成常識，有網民分享「其實薯條加唔加大，佢都係一剷一份，普通/加大都係嗰個剷」、「中可樂走冰就係大可樂有冰嘅份量，中薯條裝滿已經夠食了」。