麥包開懷舊冰室

野生捕獲！麥包開懷舊冰室做夥計仔幫你落單~ 必食番茄撈通＋咖央砂糖豬仔包｜九龍灣食乜好

新假期編輯部

Aug 30 2017

廣告

九龍灣最近多了間懷舊主題冰室，店內裝修充滿老香港元素，有屋邨壁畫、酒樓膠水牌和紅A吊燈等，特別啱打卡影相。冰室從澳門過江，老闆之一更是藝人麥包麥長青，他推薦大家食四寶飯和鴨腿湯飯，另外鮮牛肉番茄撈通、咖央鮮油豬和華田紅豆冰亦幾抵食，去幫襯的更可能遇到麥包幫你落單，即睇地址！（文末有影片）

記者：Joan 攝影：Fion

麥包開懷舊冰室幫你落單！

一向Sell懷舊主題的九龍灣得寶商場，最近有間懷舊主題冰室進駐，冰室2015年在澳門開業，香港店裝修和澳門店一樣，充滿老香港元素，門口有鐵閘、鐵皮信箱、大牛龜電視，行入少少又有飾以綠色鐵皮檔的水吧、屋邨壁畫、酒樓膠水牌和紅A吊燈等，充滿復古的時代感。香港店的老闆之一是藝人麥長青（麥包），周不時都會來坐鎮幫忙落單，歡迎大家野生捕獲。

麥包開懷舊冰室 — 冰室老闆之一的麥包，經常會在餐廳流連兼任夥計仔，街坊見到星級侍應都笑呵呵。

門口有鐵閘、鐵皮信箱、大牛龜電視。

水吧裝修到綠色鐵皮檔模樣。

仿港式懷舊冰室的風格，舊式屋邨壁畫、紅A吊燈、印花紅邊搪瓷茶碟和蘋果綠卡座及圓枱，好多打卡位。

餐廳內掛滿懷舊街道掛畫、商店招牌等。

到處也是打卡位。

百款食物：招牌番茄撈通＋咖央鮮油豬仔包

Menu和澳門店有9成相似，食物款式多，炒飯、意粉、一丁、小食、鐵板餐等共百多款，晚市亦有多款小菜。招牌的番茄撈通，茄汁香甜順喉，又有酸甜番茄粒，可配鮮牛肉、豬扒和火腿等，單拼$40有找，性價比高，另外炸髀、脆豬亦多人Order。冰室現正試業階段，亦歡迎街坊多給意見。

鮮牛肉番茄撈通 — 鮮牛肉番茄撈通 $37

鮮茄汁份量剛好，夠撈勻整碗通粉，鮮牛肉切得薄身大片，爽滑有咬口。

家傳四寶飯午市套餐送熱飲 — 家傳四寶飯 $46 午市套餐$50送熱飲

其中一名老闆的爸爸最愛菜式，有鴨胸、鹹蛋、叉燒和白切雞，叉燒不加人造色素，賣相沒坊間的紅噹噹，但食落鬆軟不黏牙；切雞夠肉嫩。

鴨腿湯飯 — 鴨腿湯飯 $42

咖央砂糖鮮油豬 — 咖央砂糖鮮油豬 $25

暖烘烘的豬仔包兩邊均塗上咖央醬和砂糖，再夾着兩大片厚牛油，夠晒邪惡。

飲品選擇多：華田紅豆冰＋大碼奶茶

華田紅豆冰 <br srcset= — 飲品選擇多，單是紅豆冰已可溝奶茶、咖啡、鴛鴦或華田，更有兒童鴛鴦、奶水雞蛋等懷舊茶記飲品。” width=”800″ height=”1200″ /> 華田紅豆冰 $23
飲品選擇多，單是紅豆冰已可溝奶茶、咖啡、鴛鴦或華田，更有兒童鴛鴦、奶水雞蛋等懷舊茶記飲品。

大碼凍奶茶 <br srcset= — 凍奶茶比一般飲品大Size，茶香適中順喉，奶味偏重。” width=”800″ height=”1200″ /> 大碼凍奶茶 $20
凍奶茶比一般飲品大Size，茶香適中順喉，奶味偏重。

咖哩啡 <br srcset= — 凍咖啡鋪上一層厚厚的忌廉，再灑上彩針糖，中和苦味。” width=”800″ height=”1200″ /> 咖哩啡 $22
凍咖啡鋪上一層厚厚的忌廉，再灑上彩針糖，中和苦味。

&feature=youtu.be
六樓後座冰室
地址：九龍灣牛頭角道3號得寶商場地下122號舖（顯示地圖）
電話：2960 0998
營業時間：10am-10pm

延伸閱讀：

香港18區美食有甚麼推介？

新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

九龍灣六樓後座六樓後座冰室得寶商場