荃灣鮨一Omakase｜20道菜：日本真蠔＋刺身拖羅＋海膽飯｜區區搵食
廣告
鮨一憑著巨量海膽山飯紅遍尖沙咀，最高峰一時隊尾竟然排到落樓下！今年進駐荃灣後，讓一眾荃灣友齊齊朝聖海膽山及日本直送刺身！
鮨一15cm高海膽山 日賣過百碗
尖沙咀厚福街出名美食多，無論中西日韓都齊全，而鮨一日本料理在厚福街殺出重圍，以15cm高的海膽山飯一夜成名，日日爆場，甚至人龍排到落大廈地下等待！鮨一其後由一層擴展至3層舖位，每日至少賣出過百碗海膽飯，其他刺身丼飯性價比亦超高，價錢合理兼美味。近日鮨一再擴充版圖，分別在大埔及有著美食街之稱的荃灣大壩街插旗，荃灣友及大埔友紛紛表示終於不用到尖沙咀排隊！
荃灣分店限定晚市Omakase第二位3折！只需$340
鮨一荃灣分店推出晚市Omakase優惠，由原價$980減至$680一位，足足7折！而第二位七折之後再半價，只需$340，計返第二位3折就食到（第三位$680，第四位$340，如此類推），晚市Omakase只需$300多實屬難得，而且大部分材料都是日本直送，用料絕不馬虎！Omakase「仲夏一人前」套餐共20道菜，包括4款頭盤、生蠔、天婦羅、刺身5品、壽司5款、特色手卷、熱湯稻庭烏冬或迷你鰻魚飯、甜品及湯，十分豐富！
其中生蠔用上日本北海道仙鳳趾真蠔，肉身特別肥美，而且入口陣陣的海水味散發出來，嫩滑的口感帶點香甜，是北海道有名氣的生蠔之一！而刺身方面會按照每日新鮮運到的食材而定，例如拖羅、牡丹蝦、帶子等，款款即切即上，入口鮮甜。
肉質豐腴飽滿！（.圖片來源：kingfoodies）
一塊紫菜捲起海膽、三文魚子及拖羅蓉，即上枱即入口，紫菜才脆身，其後慢慢感受到刺身的軟滑。（圖片來源：鮨一）
天婦羅炸得皮薄酥脆，入口爆開海膽，味道比起海膽山有另一風味！（圖片來源：鮨一）
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
圖片來源：鮨一、little_tummy、kingfoodies
