雞蛋高膽固醇迷思!日本研究破解日日食可減肥、護肝、防老人痴呆| 食是食非
撰文:Carmen|圖片來源:《林修の今でしょ!講座》
雞蛋三大迷思!
日本醫生解構
迷思1 食得多會高膽固醇?
日本醫生表示,其實膽固醇係分有好、壞功能,但世間偏向放大壞功能方面嘅影響,而經常避免吸收膽固醇。事實上,吸收過多膽固醇的確會因為停留喺血管壁,而導致動脈硬化,但同時,膽固醇亦都係製造體內約60兆個細胞嘅細胞膜所必要嘅材料,適量攝取膽固醇係有需要架!
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.02.49_2570296325afc084f991d3.png)
醫生亦指出,血液膽固醇嘅來源30%來自食物,70%來自肝臟分泌,而且肝臟嘅分泌量會自行調整。換句話說,從食物而來嘅血液膽固醇較多嘅情況下,肝臟就會分泌較少血液膽固醇,反之亦然。所以體內嘅血液膽固醇數值,相比起一餐食咩,更多數係取決於肝臟嘅運動。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.04.14_12181499735afc08b3de3b3.png)
雞蛋高膽固醇由來?
一切都是兔仔錯!?
之前曾有個醫學調查,搵來1星期都冇1日會食蛋、1星期1~2日會食、1星期食3~4日、同幾乎每日都食蛋嘅人進行血清總膽固醇濃度比較,發現數值相差只有極少數!咁點解會有食得多雞蛋會高膽固醇嘅說法呢?
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.05.10_4258687555afc08d429b4e.png)
醫生話,因為已經過咗100年咁耐,一個說法一旦被固定化,要推翻就好難,日本厚生勞動省成功推翻說法係2015年嘅事。雞蛋,就咁被一隻100年前嘅兔仔冠上咗「唔健康」嘅罪名⋯⋯
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.09.13_8172731405afc09709ba62.png)
咁⋯一日可以食幾多隻蛋呢?醫生指從飲食中攝取膽固醇嘅限制目標數值,其實係冇上限架!由飲食導致血液膽固醇量提高嘅呢個說法,原來係冇科學根據!即使食雞蛋,血液膽固醇值都係唔會有變化。不過考慮到飲食平衡,醫生建議一日食三隻雞蛋係最適量。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.10.16_4343543275afc0994c4058.png)
而且日本好多雞農會喺雞糧當中加入「魚粉」,用沙甸魚製成DHA含量豐富嘅魚粉,再餵給雞隻,DHA嘅營養值就會轉移到雞蛋裡。DHA可有效提升認知能力、專注力、計劃同解決問題技巧,對腦部幫助非常大!
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.22.28_15579492945afc0adb94e3f.png)
迷思3 蛋白蛋白質可燃燒脂肪?
據最新研究指,蛋白蛋白質係具有減肥效果!唔單止可有助燃燒脂肪,更可有效抑制脂肪於肝臟形成,最新嘅動物實驗亦指出蛋白蛋白質有助對抗代謝症候群,幫助形成肌肉。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.26.49_5102827335afc0b1032aaa.png)
有數據指出,持續每日攝取20g蛋白質,3個月後去除脂肪部分唔計,包括肌肉計算嘅結果中,觀察對象嘅老人家體重增長咗1kg。但由於高齡者較難增生肌肉,所以專家推薦高齡人士每日攝取30g或以上蛋白質較好。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.31.11_2336809195afc0b78210e4.png)
話就話叫蛋白蛋白質,但蛋黃都係好緊要架!調查發現,相比只食蛋白,食全蛋營養更豐富,肌肉嘅合成反應比只食蛋白高出30%!明明係同等份量嘅蛋白質,因咩差咁遠呢?係因為蛋黃有豐富嘅維他命D,食全蛋有效防止肌肉老化。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.31.57_12686918385afc0b829c1d1.png)
食雞蛋嘅時機
運動前定後食?
專家指出,運動前唔應該食嘢,因為會令血液無法送到內臟,容易引起消化不良嘅症狀。食雞蛋嘅最佳方法係:1)同米、麵等糖質一齊攝取(糖尿病患者需徵求醫生指示)、2)運動後先食。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.42.57_9710680625afc0bc4a2357.png)
生雞蛋拌飯嘅食法!
點吸收最多營養
日本人好鍾意食生雞蛋拌飯,相信唔少人去到日本,都有興趣試一試日本雞蛋有幾新鮮美味,原來佢嘅食法都好講究架!頭先講咗咁耐雞蛋嘅營養價值,原來正確食用可防止皮膚同頭髮老化!
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.44.50_21000496865afc0bef08354.png)
雞蛋有冇腐壞?
應該點保存?
醫生教你唔使打隻蛋出嚟,就可以知道隻蛋仲新唔新鮮嘅方法:將雞蛋放入鹽水。如果隻雞蛋放得太耐,已經唔新鮮嘅話,佢會因為蛋內有空氣而浮於鹽水上,而新鮮嘅蛋會向下沉。
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.52.31_10202202385afc0d50d7426.png)
雞蛋底部較圓嘅部分稱為氣室,係雞蛋進行呼吸嘅部位,要保持雞蛋鮮度嘅話要將較尖嘅部分朝下擺放。如果將雞蛋上下翻轉,較尖嘅部分朝上擺放嘅話,蛋黃下沉會阻礙呼吸,令雞蛋加速劣化。以後買蛋記得要留意啦!
![雞蛋](https://imgs.gotrip.hk/wp-content/uploads/2018/05/nhv4dxh3MJN7gxp/-2018-05-15-7.54.06_20628473475afc0d6b5930b.png)
香港18區美食有甚麼推介?
新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。