荃灣街市買荔枝要求「走枝」被拒樓主：我係買荔枝唔係買樹枝｜飲食熱話

Jun 8 2022

正值初夏，荔枝又開始當造，近日Facebook群組「荃灣人」有谷友發帖，帖中相片有一大碗散粒荔枝外，旁邊還有一大堆荔枝枝葉，表示自己日前在荃灣楊屋道街市對面的水果檔，覺得連枝荔枝不划算，向阿姐表示：「我係買荔枝唔係買樹枝」，要求「走枝」，檔口阿姐卻不予理會。但大部份谷友覺得帶枝才新鮮「有樹枝代表新鲜」、「冇樹支好快爛，龍眼都係」、「阿媽教落，無枝唔好買」，而且其實樹枝其實不太重「你秤下，雖然多，但應該唔太重架咋喎。」更有人教路，荔枝葉清濕解毒，唔好嘥，可用來煲湯飲。

荃灣街市買荔枝要求「走枝」被拒

初夏是荔枝當造的時節，每個水果檔都能看到紅彤彤的荔枝，近日Facebook群組「荃灣人」有谷友發帖分享買荔枝的不快事件，未食荔枝已經非常「上火」。帖中相片可見一大碗散粒荔枝，旁邊是一大堆荔枝枝葉，樓主表示：「楊屋道街市對面佳寶隔離嗰間生果檔，$30兩磅，呢度收我$40，57粒。到底我係買樹枝定係買荔枝？」在與其他谷友的言談之中，亦提到：「佢有兩羅荔枝，其中一羅係淨係荔枝，我同阿姐講，我係買荔枝唔係買樹枝，跟住佢完全唔理我。」

荃灣街市帖中樓主表示：「楊屋道街市對面佳寶隔離嗰間生果檔，$30兩磅，呢度收我$40，57粒。到底我係買樹枝定係買荔枝？」 — 荃灣街市買荔枝要求「走枝」被拒，帖中樓主表示：「楊屋道街市對面佳寶隔離嗰間生果檔，$30兩磅，呢度收我$40，57粒。到底我係買樹枝定係買荔枝？」（圖片來源：荃灣人群組截圖）

荃灣街市樓主說阿姐完全不理會「走枝」要求。 — 樓主說阿姐完全不理會「走枝」要求。（圖片來源：荃灣人群組截圖）

荔枝連枝才新鮮？

事件引來谷友熱議，但想不到回應卻一面倒，只有少數網民和樓主身同感受，表示水果檔都是「蠱惑」的，「仲要啲生果檔好蠱惑，同你磅秤之後，話多咗啲，要俾多2-5元有冇問題。實際是本身比少咗，仲要再你加價」、「你真勇敢個當（檔）生果你都夠膽買」；有些則笑言：「樹枝係比你種返幾棵荔枝樹，自給自足」、「茘枝，例牌多枝」。

但大部份網民卻不同意樓主「走枝」的要求，表示有枝才新鮮，「有樹枝代表新鲜，我不喜歡甩開的，唔放得耐，易爛」、「冇樹支好快爛，龍眼都係」、「阿媽教落，無枝唔好買」。有人亦表示其實樹枝不太重，「你秤下，雖然多，但應該唔太重架咋喎。你買無枝嗰d分分鐘爛嘅無得食，比80粒你有乜用」，而且圍埋有枝、無枝價錢相若，「唔連枝一樣錢多啲，一向係咁」。

荃灣街市少數網民表示水果檔都是「蠱惑」的。 — 少數網民表示水果檔都是「蠱惑」的。（圖片來源：荃灣人群組截圖）

荃灣街市少數網民覺得身同感受，覺得水果檔有問題。 — 少數網民覺得身同感受，覺得水果檔有問題。（圖片來源：荃灣人群組截圖）

荃灣街市戲言「茘枝，例牌多枝」 — 戲言「茘枝，例牌多枝」（圖片來源：荃灣人群組截圖）

荃灣街市有人表示冇枝千萬不要買。 — 有人表示冇枝千萬不要買。（圖片來源：荃灣人群組截圖）

荃灣街市無枝好快爛，浸冰水會入農藥？！ — 無枝好快爛，浸冰水會入農藥？！（圖片來源：荃灣人群組截圖）

留言一面倒！樓主點回應？

面對大家一面倒的留言，樓主亦有回應：「佢冇樹枝嗰一羅，正正就係由有樹枝嗰度拆過去嘅，但係嗰啲佢又唔畀我喎。」網友解畫可能是不新鮮才拆枝：「其實唔係拆落去，係已經甩咗岀嚟。甩有好多原因嘅。不過好大機會個定已經受損，就有機會入菌而爛咗架喇。」另外亦有網友好心教路：「荔枝葉清濕解毒，唔好嘥，煲湯飲埋佢」。

荃灣街市拆枝賣才不划算？可能荔枝已受損？！ — 拆枝賣才不划算？可能荔枝已受損？！（圖片來源：荃灣人群組截圖）

荃灣街市荔枝葉原來可以清濕解毒。 — 荔枝葉原來可以清濕解毒。（圖片來源：荃灣人群組截圖）

其他媒體轉載網民反應兩極！

事件引來熱議，甚至衝出Facebook群組，引來其他媒體轉載，而網民的留言就沒有谷友那麼客氣了，轉載發帖中指事主：「1. 幼稚， 2. 貪心」，更有大量戲謔留言「走資唔老黎」、「榴槤都未出聲。」、「我又要茘枝！走枝！走殼！走核！唔該……」當中筆者覺得最持平的留言，就是：「呢個問題永遠都有，商家永遠諗盡方法搵錢，客人諗盡方法慳錢。」唔知大家又點睇呢？