【聖誕美食之選】約會、聚餐都一流！圍方雲集世界各地美食 5大必睇至Chill餐廳推介

新界最CHILL！圍方雲集世界各地美食 中西日韓泰都有齊！

座落於大圍嘅「圍方」唔單止地理位置夠晒就腳，無論搭東鐵定屯馬綫前往都相當快捷方便，更加重要嘅係商場內有多間人氣餐廳進駐，雲集環球美食，無論想歎中、西、日、韓、泰 國菜都可以喺圍方搵得到，今個聖誕想歎傳統西式聖誕大餐又得，又歎韓國烤肉過一個「火熱」聖誕節亦得，總有一間餐廳滿足到你！

聖誕大餐推介1：BRICK LANE — 性價比之選 $238起品嚐節日英國特色菜

靈感來自東倫敦Brick Lane嘅BRICK LANE，以經典嘅英式酒管美食融合現代元素，為大家帶嚟獨特嘅菜式，加上餐廳內嘅獨特嘅英式裝潢風格，令大家尤如置身於英國環境之中！而今個聖誕BRICK LANE更帶嚟節慶限定餐單，午餐同晚餐都有唔同選擇以滿足大家嘅需求，當中四道菜節日午餐只需$238就可以品嚐到，而晚餐亦只需$458，前菜、主菜、甜品、餐飲一次過歎齊，性價比極高，等大家可以大飽口福！今次節日午餐及晚餐菜單將由12月16日至2024年1月1日期間提供，而家喺12月15日前預訂仲有早鳥優惠可享10%折扣𠻹！

聖誕大餐推介2：Cafe Deco Pizzeria — 聖誕限定海鮮超值賞 $28即歎焗波士頓龍蝦米多

鍾意溫馨感覺嘅朋友就可以選擇呢間新派意式餐廳Cafe Deco Pizzeria，佢嘅餐廳設計不但以簡約格調為主，而且設有開放式廚房等大家可以欣賞到食物新鮮製作嘅過程，味覺同視覺上同樣得到享受！推介必食佢哋主打嘅意大利薄餅，每款都以世界頂級高溫石爐烤焗，口感特別香脆惹味，相信大家定會一試難忘！而今個聖誕餐廳更特別推出「海鮮超值賞」，大家用激抵嘅加購價就可以歎到焗波士頓龍蝦米多同加拿大鮮海膽！

聖誕大餐推介3：The Captain’s House — 必食人氣Shake Shake 海鮮袋

鍾意食海鮮嘅朋友就一定唔可以錯過呢間美式海鮮餐廳《The Captain’s House》！作為全港首間引入海鮮袋嘅餐廳，大家當然要品嚐招牌菜”Shake Shake 海鮮袋”啦！餐廳會先將海鮮熬煮後搖晃於袋中，再搭配豐富嘅調味料，一啖一滋味，絕對會為大家帶嚟前所未有嘅口感同味覺享受！

聖誕大餐推介4：De Salsa by Reserva Iberica — 結合多國飲食文化 炮製特色地中海風味菜式

De Salsa by Reserva Iberica由Reserva Ibérica伊比利亞火腿專門店主理，餐廳嘅西班牙菜式固然出色，但同時亦結合咗法國、意大利等地區嘅飲食文化，再以現代歐式料理手法為基礎，為大家帶嚟充滿地中海風味的特色菜餚，比起去一般西式餐廳相信會有另一番體驗！

聖誕大餐推介5：Galbi Gung — 高質韓式燒烤 感受傳統韓國味道

喺凍冰冰嘅聖誕節，最好就梗係品嚐「火熱」嘅韓國烤火暖吓胃啦！Galbi Gung 갈비궁就為大家提供高質嘅韓式燒烤體驗，除咗採用最上等嘅牛肋骨，服務專員精湛嘅烤肉技巧仲可以將牛肉烤到恰到好處，入口即溶嘅口感配上醇厚牛肉香氣，一個字：正！餐廳仲提供多款不同肉類及韓式料理，等大家可以盡情咁感受傳統韓國味道！