維港海景下的意大利風情

位於尖沙咀嘅Cucina，以醉人維港景致聞名，自2020年起連續獲《福布斯旅遊指南》四星殊榮。餐廳環境優雅舒適，落地玻璃將維港日夜美景盡收眼底，晚上8時更可欣賞「幻彩詠香江」燈光匯演，浪漫無比。最多容納120位賓客，適合約會、聚餐或私人派對。

Cucina由來自意大利皮埃蒙特的主廚Andrea Delzanno主理，大廚將家鄉飲食文化融入菜式，選用黑松露、牛肝菌、紅蝦等優質食材，呈獻地道意國滋味。Andrea憑精湛廚藝屢獲Hong Kong Tatler同南華早報獎項，深受饕客喜愛。

舌尖上之意大利經典

Cucina嘅全日菜譜呈獻多款令人垂涎嘅意大利佳餚，每一道都展現Andrea對食材與味道嘅精準掌握。

燒地中海八爪魚、煎日本帶子配薯蓉、番茄及香草醬

地中海直送八爪魚肉質鮮嫩，搭配鮮甜嘅日本帶子，佐以細膩薯蓉同清新嘅番茄香草醬，層次豐富，入口即融。

皮埃蒙特牛肉他他、意大利費桑拿牛肉、榛子、羅勒乾、黑松露

呢道經典皮埃蒙特菜式用上頂級意大利費桑拿牛肉，配上濃郁嘅黑松露同香脆榛子，味道濃而不膩，完美展現意大利西北部嘅飲食精髓。

挪威煙燻金三文魚柳、黑松露、Kaluga魚子醬、刁草汁

煙燻三文魚嘅鮮嫩口感，同黑松露嘅奢華香氣、魚子醬嘅鹹鮮完美配搭。

意大利燉牛肚、香辣番茄醬、意大利麵、佩科里諾羊奶芝士

源自Andrea祖父嘅家傳食譜，牛肚燉得軟糯入味，搭配微辣嘅番茄醬同濃香嘅羊奶芝士，令人一試難忘。

朱古力球、雲呢拿雪糕、熱朱古力醬

朱古力愛好者必試！朱古力球淋上熱朱古力醬後充滿驚喜，內有香甜嘅雲呢拿雪糕，甜而不膩，為餐宴畫上完美句號。

除咗美食，Cucina嘅時尚酒吧同樣令人心動。呢到提供多款特色雞尾酒，以及一系列精選意大利葡萄酒，從經典嘅Chianti到珍稀嘅Barolo，總有一款同菜式完美搭配。

限定驚喜：皮埃蒙特 x 白蘆筍四道菜嚐味晚宴

為迎接春季，Cucina特別推出「皮埃蒙特 x 白蘆筍四道菜嚐味晚宴」，將Andrea嘅家鄉風味同時令珍品白蘆筍完美結合。

白蘆筍被譽為「蔬菜中嘅貴族」，其細膩嘅口感同淡雅嘅甜味深受饕客喜愛。Andrea以其獨特嘅烹調手法匠心炮製白蘆筍和皮埃蒙特嘅經典菜式，每一道菜都充滿驚喜。從前菜到主菜，再到甜品，四道菜式層次分明，完美平衡食材嘅原味同創意。呢款限定菜單喺即日至6月14號每晚6時至10時供應，價格為每位港幣888元。現凡於官網商店預訂，更可享優惠價港幣598，性價比極高，千祈唔可以錯過！

Info：

Cucina

地址：尖沙咀廣東道3號海港城馬哥孛羅香港酒店6樓

電話：2113 0808

網址：https://www.marcopolohotels.com/zh-hk/marco-polo-hongkong-hotel/dining/cucina

（Presented by Cucina）